Tenkeboksen

Skivebom

2011-05-06T14:54:00.003+02:00

Eg innser at eg kan ha gått på ein smell når det gjeld karriereval. Eg skal bli biolog. Og som kjent må ein nødvendigvis tilbringe eindel tid ute i naturen som biolog, sidan det tross alt er naturen ein studerar når ein er biolog. Eg trivast godt med å vere ute på tur. Mykje frisk luft, mosjon og mykje fint å sjå på. So far, so good. Men, og det er her problemet kjem inn, eg er litt over middels redd for ganske mykje. Ganske mykje inkludert fleire dyr som finst naturleg i norsk fauna (eller som eigentlig ikkje finst der i det heile teke, men som eg likevel er redd for). Eigentleg så tørr eg ikkje heilt å gå i skogen (i alle fall ikkje utan slagstøvlar og med svært observant blikk) fordi eg er så redd for å treffe på huggorm. Og det er sjeldan eg tørr å vere særleg lenge ute i sjøen om sommaren fordi eg er så redd for at det skal komme ein hai og ta meg. Så dykking, det tørr eg i alle fall ikkje. Og noko studie av økosystema i grotter skal eg iallefall ikkje prøve meg på, for i grotter bur det flaggermus som garantert kjem til å sette seg på hodet mitt om eg ikkje kryper saman i fosterstilling når eg ser dei fly over hovudet mitt. Og når eg er på hyttetur på fjellet så tørr eg ikkje gå på do aleine. Det kan jo komme ulv eller bjørn for å ta meg.

Det ser ut som at den einaste planen som kan fungere er å skrive masteroppgåva mi om ein bitteliten, skjeldan fjellblomst som berre vekst på eit fjell så forblåst og langt fra havet at verken hai, orm, flaggermus, ulv eller bjørn er å sjå på mils avstand. Hello ullgenser og vindvotter! Eg gler meg.

Hyttekos

2011-04-04T17:12:00.003+02:00

Tredje helga i mars var eg, Magnus, Ingerid og Mikkel på hyttetur. Det har Ingerid blogga veldig fin om :)

Snørr, snørr, snørr og meire snørr

2011-02-17T13:25:00.002+01:00

I helga var det Vintertreff i Florø. Det var ei veldig hektisk og meget vellukka helg. Eg og Ingerid hadde ansvar for gjennomføring av lydprøve og konsert på laurdagen (27 innslag fordelt på 14 aktørar er ikkje berre berre) i tillegg til planlegginga av gudstenesta som avslutta heile treffet på søndagen. Konlusjonen vår etterpå var at vi er eit radarpar når det kjem til planlegging og gjennomføring av dei planane vi har laga. Det er ingen sak å ha mykje ansvar når ein har det saman med nokon ein arbeider godt saman med. Eller når det står så mange flinke folk rundt klar til å ta i eit tak når ein treng hjelp til ting. Og når vi i tillegg var så heldige at vi hadde med oss kvar vår kjærast som kunne bidra med bandteknisk kompetanse både på laurdagen og søndagen, i tillegg til å komme med oppmuntrande ord og passe på at vi fekk i oss mat og at vi hugsa på å puste litt innimellom, så måtte det jo berre gå bra.

Eg kom som vanleg heim og tenke "For ei flott helg!" og "For ein flott krins eg kjem frå!". Og eg hadde som vanleg med meg ein god porsjon baseluskar som har sørga for tett nase, tett bryst og tett hovud denne veka. Så no ligg eg her med snytepapir, hosesaft, halspastillar, slimløysande tablettar, paracet og nasespray og slappar av for harde livet sånn at eg kan bli frisk til å stå på telemark i Hemsedal til helga. Eg har klokketru på at det skal gå fint :)

Casa Murilo i Majorstuen kirke

2011-02-14T16:55:00.005+01:00

For litt sidan var Kor Major med på musikkvideoinnspilling for Casa Murilo si låt "Show some restraint". Kor Major er altså koret eg syng i, medan Casa Murilo er eit band beståande av opptil fleire kjente som er på god ved til å slå gjennom med musikken sin. 4. mars slipper dei si første plate. Det er kjekt når flinke folk lukkast!

Her er musikkvideoen.

Juleferie

2010-12-21T15:02:00.004+01:00

Det er deilig når dagens mål er å pakke inn tre julegåver og å vere ferdig påkledd og presentabel til middagstider sånn at ein kan dra på julegåvebesøk til tante, onkel og snart 6 og 10 år gamle kjekke søskenbarn.

Og så er det fantastisk når det er ser når ein ser ut av stoveglaset er det her:

Adventskos og pakkekalender

2010-12-03T22:25:00.010+01:00

Eg har verdas beste mamma som nok ein gong har glimta til og overraska med pakkekalender i posten. Så ivrig var eg etter å hente pakken at eg stod 10 minutt ute i stivkulda og venta på at postkontoret skulle opne i dag tidleg. Det er godt ein aldri blir for gammal til å føle ekte barnsleg glede over sånt :)

Kalenderen har fått heidersplass i ein kurv i glaskarmen ved sidan av den sjølvlaga adventsstaken med adventsstjerna hengande over, så adventsstemninga i heimen er det ingenting å sei på.

Det er fint å ta seg tid til litt adventskos midt i alt mørket, kulda og eksamensstresset. Tenne lys. Sjå på "Jul på Månetoppen". Høyre på julemusikk, eller anna musikk. Akkurat no er det Bugge Wesseltoft med "It's snowing on my piano" som kjem ut av høgtalarane. (Forøvrig ei fantasisk juleplate som anbefalast på det sterkaste.) Å ta seg tid til litt sånn kos gjer det litt meir uthaldeleg å tenke på at det er endå to veker før eg kan ta juleferie. På mandag er det i gang med første eksamen. Kan ikkje sei at eg føler meg klar, men det går vel på et vis får vi tru.

Nokre stemningsbilete frå adventsstova:

I dag fekk eg opne tre pakkar. Dei inneholdt brødkrydder, muffinsformer av silikon og ein pose stjernemix. Nydelig for ein fattig student :)

Det eigentlege livet

2010-11-26T16:57:00.018+01:00

Lesesalskjøret er i gang igjen for fullt. Det er rart korleis ein kan klare å presse seg til å sitte statisk dag ut og dag inn og lese så det freser, når ein egentlig er så sliten at ein nesten ikkje klarer å stå på beina. Litt skummelt er det i grunn, at ein kan klare å presse seg sjølv så til dei grader. Men når dagane på lesesalen blir lange, novemberlufta er kald og dagslyset må gi tapt for mørket etter litt for få timar er det godt å kunne koble litt av og drømme seg tilbake til gode opplevingar i året som har gått. Her er nåkken glimt:

Blide biologistudenter på feltkurs i Drøbak

Ein minneverdig sommardag på Bygdøy

Bestemor og bestefar på Oslotur som kviler middag i senga mi

Tapaskveld med fine jenter

Kos i bålrøyken ved Øyungen

Utsikt mot Børrvasstindan frå stovevindauget til bestemor

Sigurd i full konsentrasjon om dominobygginga

På tur til nydelige Mjelle med mamma og bestemor

Ei fantastisk reunionhelg i deilig Danmark og Silkeborg

Så har visst høsten inneholdt noko anna enn berre slit og mas med skule. Og godt er det! Til våren skal eg vere enda flinkare til det. Til å glømme skulen for ei stund og bruke tid på det som gir glede, trivsel og lyst, og som bygger opp energilagera. Det som egentlig er livet. Eg gler meg allereie!

Marka ein laurdag ettermiddag

2010-09-19T22:06:00.003+02:00

Pakke sekken. Kle seg for tur. Ta bussen så lang inn i Maridalen ein kjem. Traske opp til Øyungdammen. Fyre opp bål. Grille pølser. Nyte frisk luft, ro og mykje bålrøyk. Sånn er det på ingen måte feil å tilbringe ein laurdagsettermiddag i hovudstaden.

New York, New York!

2010-09-17T20:47:00.008+02:00

16. april 2011 set eg meg på flyet til New York med dei tre finingane her. Hurra! Det blir ein fest fem dagar til ende.

Tapaskveld

Billettane er bestilt!

Byen over alle byar, here we come!

Nytt kamera!

2010-07-14T22:15:00.006+02:00

Mitt nye Canan EOS 450D har endeleg kome. Eg er storfornøgd! Mest av alt med endeleg å eige eit kamera igjen, men også med å ha fått meg eit så godt kamera. Eg har ikkje så mykje erfaring med manuellfotografering, men det er veldig kjekt å prøve seg fram. Øving gjer meister, er det ikkje så?

Eit lite utval av bilete knipsa i helga i høve 50-års feiring av mor og far Almklov på Selje. Kjekk helg, kjekke folk, digg kamera!

Kaffi i naustet

Ferjekaia på Stårheim

Namnet skjemmer ingen

2010-07-14T21:52:00.007+02:00

Eg heiter Mildrid. Det er det 831 andre som har som første fornamn (454 som har det som einaste fornamn). Eg har lenge trudd at det berre var meg og 830 damer over 6o som heitte det. Men jammen meg er det ikkje ei som arbeider på Flora Omsorgssenter som heiter det, og ho er iallefall under 50! Etter rapporten i dag opplevde eg for første gong at nokon ropa "Mildrid" og at vi var to som snudde oss. Ein ting er i alle fall sikkert, og det er at det er lite sannsynleg at det kjem til å skje igjen med det første.

Grafen taler vel for seg sjølv.

Det var jammen godt mamma og pappa ikkje kalla meg Mathilde sånn som dei først hadde tenkt. Det var jo berre gamle damer som heitte Mathilde. Eller?

3418 har Mathilde som første fornamn.

No høyres det ut som at eg er misfornøyd med å heite Mildrid. Det er eg på ingen måte. No er eg storfornøgd med at når nokon ropar Mildrid så er det (som regel) meg dei vil ha tak i. Men det tok nokon år å komme dit.

Om å innsjå fakta

2010-06-27T12:45:00.010+02:00

Eg har vore på feltkurs i biologi. Heile våren har eg gått og mota meg opp til desse dagane. 9 dagar obligatorisk feltkurs, 150 kr natta, etter ein intens eksamensperiode. Det har ikkje berre vore lett å sjå positivt på at dei første to vekene av sommarferien skulle brukast på den måten. Men så reiste vi til Drøbak, og etter det til Tomb (i Råde), og no kan eg ikkje sei anna enn at eg har hatt to herlege veker på feltkurs i BIO1200.

I Drøbak var det marin biologi som stod på programmet. På Tomb i hovudsak terresterisk biologi (altså alt som lever på land). Vi var ute med båt og tok planktontrekk og botnskrap, både på mudderbotn og hard botn. Vi var i fjæra og leita etter tang og tare. Vi var ved ferskvatn og fanga insekt, både på land og i vatn. Og vi var på strand, i myr, i barskog og i lauvskog og studerte plantar, dyr og sopp. Kveldane gjekk med til flittig labaktivitet der vi studerte det vi hadde funne i løpet av dagen i mikroskop og lupe og prøvde å bestemme kva det var vi hadde funne.

Etter desse vekene må eg konkludere endå ein gong med at det meste kan bli frykteleg interessant så lenge du får oversikt over temaet og ikkje minst kunnskap på detaljnivå. Eg har tatt meg sjølv i å storkose meg med å sitte og artsbestemme biller på lab. Det hadde eg aldri trudd at eg nokon gong skulle gjere. Eg må også konludere med at faghumor er og blir veldig fasinerande. Eg vedder på at 90 % av dei vitsane vi har ledd godt og lenge av desse vekene ville ført til heva og augebryn og oppgitt risting på hovudet av utanforståande. Det er frykteleg lett å bli miljøskada, det skal vere sikkert.

Ute i felten har vi så til dei grader fått kontakt med barnet i oss. Når hjelpelæraren på stranda spurde om nokon hadde funne noko spennande dukka det fem ivrige hoder opp frå det høge graset der alle i kor ropte: "Ja, sjå her!". Etterpå smilte alle som stolte 5-åringar etter at vi hadde fått skryt for den spesielle billa eller grashoppa vi hadde funne (som heilt sikkert ikkje var så spesiell som hjelpelæraren gav uttrykk for). Det var vel ikkje vidare negativt i den samanhengen at mange av hjelpelærarane var kjekke, barske og dyktige masterstudentar i 20-åra som fekk meir enn eit studenthjarte til å banke litt raskare. Ord som "drepeglas" (eit lite syltetøyglas med korkpropp der ein dryp eter på eit filtbit slik at insekta blir bedøvd og dør) og exhauster (ein glaskoble med eit munnstykke og ein gummislange der ein sug inn luft gjennom munnstykket lik at flua, billa eller edderkoppen ein prøver å fange blir sugd gjennom gummislangen og inn i kolben) er dessutan blitt heilt normale ord i vokabularet i løpet av veka. "Ella, hent drepeglaset fort! Eg trur eg har fanga ei lauvgrashoppe!"

Men sjølv om eg har blitt veldig fanga av det faglege, var det like mykje alt rundt det som har gjort desse vekene så kjekke og morosame. Gjengen som reiste var ein utruleg fin og sosial gjeng, og det var blitt mange nye, trivelege beskjentskap i løpet av kurset. Det har blitt mykje kortspel, fotball, volleyball og kveldsturgåing. St. Hans blei feira på husmannsplassen ute i skogen ved Tomb landbruksskole (der vi budde siste delen av feltkurset). Der var det god stemning og det blei tydeleg understreka at det var biologifest vi var på då Kjetil (den eine hjelpelæraren) byrja å dele ut labsprit godt aromatisert med pors og eit fint utval av ulike insekt i små labglas. Tru det eller ei, det smakte ikkje så verst, og vi overlevde heile gjengen.

Så var det til slutt der her med å innsjå fakta. Eg har fått tyn for det på bloggen før, eg har innrømt det før, og eg innrømmer det gjerne igjen: Eg er og blir litt nerd. Men når nerd betyr å evne å engasjere seg sånn i biologi at eg kan vere strålande fornøgd med å ligge med rompa til værs og nasen ned i bakken og studere biologi i ni dagar til ende, då er det greit å vere nerd kjenner er:) Og verre skal det vel bli om eg gjennomfører det som verker meir og meir fristande no: Å ta master i biologi. Tida vil vise, men akkurat no kjenner eg for første gang at eg er ordentlig gira på ein studieidé eg har hatt, så då er det kanskje på tide å begrave fornuft for ei lita stund og heller følge engasjement og lyst.

Entusiastiske studier av den skjeldne maurløva på Husebystranda.

Ferdig bestemte og nåla insekt.

Studier av håvtrekk frå planktonbåt.

Upålageleg vær, som under det meste av kurset. Herleg å vere ute 10 timar om dagen i sånt vær.

Bileta er lånt av Ella Thoen.

Pause

2010-05-18T20:36:00.003+02:00

Det er lite aktivitet på her på bloggen om dagen. Det er delvis fordi det er så mykje anna som skjer, men mest at eg ikkje har så mykje inspirasjon til å skrive for tida. Så enn så lenge får det vere litt stille her, så kjem eg kanskje sterkare tilbake om ei stund.

Vårdag i sola

2010-04-10T17:19:00.003+02:00

Dei to siste dagane har Oslo diska opp med skikkeleg vårvær. Det er heilt fantastisk! I dag viser gradestokken deilige 12 grader. Då er det fint at det er helg og at ein har tid (og samvittigheit) til å ta seg fri og nyte det.

I går var eg på "Nyoppussa bad"-fest hos Vibeke og Niels Peter før eg drog vidare på bursdagsfest hos Hanne (Sørensen). Fine folk og god stemning. For å slippe å bruke ei formue på taxi blei eg med Ingeborg og Christina heim og sov der. I dag tidlig (kanskje meir formiddag egentlig) laga Christina tacograteng til frukost (nam!) før vi sammen med Ingeborg tusla nedover til sentrum for å treffe Agnes. Videre gikk turen til Aker Brygge for is og kos i sola. Det var mange som hadde fått samme ideen som oss, men Aker Brygge er faktisk kos uansett om det er stappfult av folk. Videre traska eg og Agnes oppover Grünerløkka. Konklusjonen er at Oslo er ein fin by å bu i når vårsola skinner. I kveld kjem Øystein og Heidi for å ete pizza og spille Carassonne. Det blir toppen på ei kransekake av ein dag (i denne settingen er kransekake eit positivt lada ord om nåkken lurte).

Eg elsker at våren nettopp har komt og at eg har mange dager som den her i vente!

Klaar for påske!

2010-03-24T19:02:00.004+01:00

No er eg fryktelig klar for påske! Med skitur, kvikklunsj og appelsiner. Solbriller, solfaktor og fregner. Kortspill, påskekrim og hyttekos. Påske er aldri feil. Iallefall ikkje når det meste av den skal tilbringast i fantastisk nord-norsk natur omgitt av fine folk. Med det i tankane skal eg nok klare å overleve eit par dagar til med matterekning (og det faktum at yr.no melder lite eller ingen sol for påskeveka oppe i nord). For på fredag klokka 17 er det påskeferie! :)

Beundringsverdige professorar

2010-03-21T13:40:00.004+01:00

Dei som har følgd med i debatten knytt til Harald Eia sitt program "Hjernevask" har kanskje fått med seg navnet Inger Nordal. Det her innlegget skal ikkje handler om biologi vs. sosiologi, men derimot om dei fantastisk greie forelesarane våre i biologi (blant dei Inger Nordal) som i dag, på ein søndag, stiller opp til orakelteneste i biologikantina i fire timer for å svare på eventuelle spørsmål vi måtte sitte med før eksamen vi skal ha på tirsdag. Då er det ikkje så kult at eg ligger heime på sofaen og drikker eplejuice og farris og spiser loff med banan på for å prøve å komme meg etter ein aldri så liten sjau med omgangssjuke. Eg kan komme på ganske mykje anna eg heller vil gjere på ein søndag. For eksempel å vere på orakelteneste med blide Inger Nordal.

Lørdagskveld på Keyserløkka

2010-03-13T22:01:00.004+01:00

Med to eksamenar på programmet dei neste par vekene går det meir eller mindre i ett for tida. Tidleg opp, lesesal og førelesingar heile dagane, kanskje ei treningsøkt før eg kjem meg heim, får i meg nåkke mat og drøser litt på sofaen eller senga før eg legger meg. Etter ei hektisk veke og gode seks timar på lesesalen i dag frista det lite med ein veldig sosial lørdagskveld, så i kveld har eg hatt ein fantastisk roleg og avslappande heimealeine-kveld. Pasta og laks med kvitvinssaus stod på menyen, og makan så godt det blei! Etterpå blei det NRK nett-tv med Lars Monsen og Ingen grenser (for ein gjeng!) og eit Ut i Naturen-program frå Vega på Helgeland (Himmelblåland), før eg endelig fikk hørt på Imogen Heap cd'en eg fekk av Kirsten til bursdagen og lest nokre sider i boka eg holder på med no, "Mors og fars historie" av Edvard Hoem.

Og sånn elles så byrjer endeleg vårsola å varme litt i hovudstaden. Det er deilig! Og om to veker drar eg til Nord-Norge på påskeferie. Det er over to år sidan eg var der sist, så det er verkeleg på tide, og det blir veldig kjekt:) Og så var eg på kino med Ingerid igår og såg Avatar. Ingerid beskriv den opplevinga ganske godt her. Eg hadde over hodet ingen forventningar og blei mildt sagt positivt overraska. Makan for ein film!

Frihelger

2010-01-31T23:51:00.004+01:00

Etter at eg slutta å jobbe helg har eg oppdaga nåkke eg ikkje trudde fantes, nemlig frihelger. Det er sånne helger der ein faktisk har få eller ingen planar når fredagen kjem, sånn at når nåkken foreslår i finne på nåkke, så kan eg sei ja. Eg har jo faktisk ingen andre planer. Eller så kan eg sitte på lørdagsmorgonen og tenke at eg ikkje vil legge nåkken planer for kvelden, fordi eg egentlig har lyst på ein aleine-heime-kveld med film og avslapping. Og så kan eg velge å bruke søndagsettermiddagen på eit langt og hyggeleg kafébesøk med spennande te og gode samtaler som ender i ein kinotur.

Eg elsker konseptet frihelg. Og eg elsker at almanakken min er full av sånne utover våren.

Dagsplan

2010-01-25T22:08:00.002+01:00

07.00 - Vekkerklokka ringer
08.30 - På plass på skulen for å rekne matte med Laila og Maya
12.15 - Forelsesnins i statistikk
14.15 - Forelesning i biologi
17.00 - Heimom for å lage middag og bake kake til kor
18.30 - Springe til banen for å rekke kor
19.00 - Korøving
22.15 - Heime

... og fantastisk godt å endeleg kunne slenge seg ned på senga og puste ut etter ein hektisk dag. Men hektisk er fint det. Iallefall når ein har fått gjort så mykje fornuftige og/eller kjekke ting som eg har gjort idag:)

Små gleder

2010-01-21T17:42:00.004+01:00

Eg går på eit studium som gjer at eg ofte sit med hodet planta i grå (og ofte litt kjedelege) matte - og statistikkbøker og prøver å forstå korleis kjerneregelen for funkasjonar med fleire variable, lineæravbildingar og ordna eller uordna utvalg med eller uten tilbakelegging fungerer. Då er det godt at biologi fins, med fine bøker og spreke og fargerike illustrasjonar. Idag gjekk eg frå forelsening med så fine notater at eg rett og slett blei litt lykkelig. Cellemembranar, livssyklusar og illustrasjonar av endosymbioseteorien i dei finaste fargar. Eg elsker det! :)

Tre ganger hurra for unødvendig stress

2010-01-14T20:00:00.002+01:00

For ein månad sidan mista eg lommeboka mi. I den låg bankkort, førerkort, studentbevis, månadskort; det meste egentlig. Eg leita og leita, men den var som sunke i jorda. Konklusjonen blei at eg hadde måtte ha mista den/fått den stjelt då eg var og trente tidligare samme dagen. Korta måtte sperrast, lommeboka (og førerkortet) måtte meldast savna/stjelt til politiet. Og så måtte eg skaffe meg nytt månadskort, studentkort, midlertidig førarkort. Frå Trafikanten, til Blindern, til politistasjonen. Sjukt mykje unødvendig stress!

Så, igår skulle eg på SportY. Eg plukka ned den store veska mi fra knaggen. Og, oppi der låg jammen meg lommeboka. Så idag måtte eg tilbake til politistasjonen for å sei at "ehm, eg fant den lommeboka som eg meldte savna eg, i veska mi..."

Tre ganger hurra for å vere eit surrehode som er frykteleg dårleg til å leite!

Ny jobb

2010-01-12T19:40:00.002+01:00

Eg har fått jobb som lærervikar på ein ungdomsskule. Hu hei, det her blir spennande! Det blir jo ein grei test på kor vidt eg er på rett spor når det gjeld utdanning. Torsdag skal eg ha første time; musikk med klasse 10 c. Eg både gruer meg og gleder meg eg.

Sosial dag

2010-01-07T20:43:00.003+01:00

I dag har vore ein fin dag. Den begynte med frukost saman med Ingeborg og Mirjam. Sistnevnte har forresten bursdag idag. Hurra! I ett-tida kom bestemor for å mellomlande litt hos meg før ho drog vidare til Råde. Det blei både lunsj og middag og anna kos før ho reiste vidare, og eg stakk opp til Kirsten. Der sløva vi på senga, drakk te og hørte på musikk. Det er greit å ha tid til å bruke ein heil dag til å vere sammen med så fine mennesker :)

Dæ bi ikkje fæst uten sælskinnsvæst

2009-12-30T19:34:00.004+01:00

I går traff eg ein kjendis. Og det var ikkje ein hvilken som helst kjendis. Det var Steinar Bastesen. I selskinnsvest. Og selskinnsjakke. Venninnegjengen var på Bua og tok seg eit par øl igår, og plutselig stod han der med følget sitt og spurte: "E dæ plass her førr oss å sett?". Vi syntes ikkje vi kunne vere så gjerrige på plassen når det var sjølvaste Bastesen som spurte, så etter litt om og men blei det plass til både Bastesen og resten av følget. Maria fikk diskutert politikk, vi fikk påspandert kaffe og Bailey's, og alle var enige om at det hadde vore ein riktig så vellukka kveld.

Elles har jula bestått av mykje roleg inneaktivitet som lesing, strikking (eg har byrja på min første genser) og soving. Eg har og komme meg godt over halvvegs i sesong 2 av Gossip Girl (så får dei berre gremmast dei som føler for det). Og så er det snø. Mykje snø! Og den har låge leenge. Sidan fleire dagar før julaftan. Og det er ikkje berre på bakken den ligg, men i trea og. Dei som har feira jul i Florø før veit at dette ikkje er kvardagskost, noko som også forklarer entusiasmen. I morgon er planen aking i Brandsøyåsen. Hurra :)

Julestemning inne...

... og snøstorm ute.

Julestemining

Førjulskos i Oslo

2009-12-18T10:51:00.006+01:00

No har eg hatt juleferie i over ei veke, og det er på ingen måte feil! Endelig har eg fått tatt igjen litt av den sosiale omgangen eg har måtte forsømme gjennom hausten på grunn av skule og jobbing. Kafébesøk, juleverksted, konsertar, julegavehandling, lunsj og middag, teaterforestilling og trasking i ein snødekt og bitande kald hovudstad er berre nokre av dei tinga som har stått på planen siste veka. I helga hadde eg óg siste jobbhelga ved Noatun. Litt trist på ein måte, men samtidig veldig godt fordi eg har vore klar for å slutte sidan eg sa opp jobben i september. No blir det spennande å sjå om det blir noko lærarvikarjobbing på meg utover våren.

Men først er det juleferie og julefeiring i Florø! Eg og Åshild setter oss på flyet heime i kveld. Julestemninga har komme snikande så vidt dei siste dagane og den kjem nok endå meir når vi kjem heim til eit adventspynta og juleførebuande hus. På søndag skal vi til Naustdal for å ete smalahove og raspeball hos bestemor og bestefar. Det er heller på ingen måte feil:)

Til slutt må eg få komme med ein liten gratulasjon til Ingeborg og Adrian som har forlova seg (!) og som skal gifte seg til sommeren. Hurra! :D

Finaste jenta og heldigste gutten :)

Matte og einebærøl

2009-12-05T18:31:00.003+01:00

I morra drar eg tilbake til Oslo. Har vore i Florø siden mandag kveld. Stort sett rekna matte sidan eg kom. No er eg så vanvittig lei av matte og fryktelig klar for at det skal vere onsdag etter klokka tolv. For då er det juleferie. Fy så godt det skal bli!

Det har vore deilig å vere heime ei veke under eksamensinnspurten. Sleppe å stå opp halv sju for å vere på UB til åtte sånn at eg er sikra leseplass. Sleppe å spise tørre brødskiver frå matpakka. Sleppe å lage middag sjølv. Gå tur med mamma og/eller pappa om kvelden og få lufta hodet litt. Få litt avstand til og nye perspektiv på tingenes tilstand. Få lada opp ganske så utlada batteri.

Her henger adventsstjernene i vindauga. Pappa har satt einebærølet. Utelysa er plassert på den forblåste furua og kan nytast gjennom stoveglaset med ein kopp kaffi i handa og fyr i peisen. Eg gler meg til 18. desember. Då er det juleferie og tid for høgtidshygge med familien her i Florø fram til etter nyttår ein gong.

Men akkurat no gler eg meg endå meir til å komme tilbake til Oslo, og til å vere sosial med alle dei fine menneska eg er så heldig å få kjenne, og som eg har fått brukt så alt for lite tid med i haust. Det blir bra :)

Heimehelg

2009-11-08T22:02:00.008+01:00

Torsdag kveld sette eg meg på flyet og reiste heim til Florø for ei helg med avslapping, familiehygge, biologilesing og litt miljøforandring. Det gjorde verkeleg godt!

I løpet av helga har eg spist lutefisk, vore på krabbefiske, hatt krabbefest med familie og tilbrakt litt kvalitetstid med mitt herlege fadderbarn, slakka forran tv'en, debutert som kjørelærar (litt hysj, hysj, men det var på ein bø langt oppe i Naustedalen, så mykje gale kunne ikkje ha skjedd), vaska ut av campingvogn, spist bestemor sine deilige hjortekjøttkaker, gått tur, óg nådd helgas lesemål som var fire kapittel i biologiboka. Eg er storfornøgd :)

No er eg tilbake i Oslo og prøver å mote meg opp til ein månad med eksamenslesing - og førebuingar. Med den fine leseplanen eg laga meg på torsdag har eg i alle fall oversikt over kva eg burde ha gjort. Så får vi sjå kor overkommerleg den er.

Litt bilder:

Klargjering av teiner før setting

Tøffe Kristian

Fangsten

Koking av krabber

Biologilesing (legg særleg merke til permen til venstre med dei særs velorganiserte biologinotata)

Travle dager

2009-11-01T21:40:00.008+01:00

Det er dårlig med bloggoppdateringer om dagen. Grunnen er ganske enkelt ein særdeles travel kvardag. Stort sett har eg pendla mellom leilighet, lesesal, trening, jobb, av og til Rønningen, og eit og anna sosialiseringsbesøk til ein venn for å vise at eg faktisk er i live, sjøl om det kanskje ikkje verker slik. I tillegg til vanleg skuleveke med førelesingar, grupperekningar, plenumsrekningar, kollokviegrupper, labøvingar og seminargrupper, har vi vore fem dagar i praksis denne hausten. Det var veldig spennande, men eg kjenner at det må litt meir enn dei fem dagane til før eg veit 100% sikkert at læraryrket er noko for meg. Heilt avskremt vart eg iallefall ikkje.

Andre trivelege ting eg har gjort denne hausten er:
- Unge Voksne-treff på Knattholmen
- Hatt besøk både ein og to gongar av foreldre og lillesøster/re
- Vore på hyttetur i Eggedal
- Vore på Hausttreff på fantastiske Nesholmen
- Vore på Halloweenfest utkledd som juletre
- Spise hjortekjøttkakemiddag sammen med Ingerid og Kirsten (takk bestemor! :))

Neste helg skal eg heim til Florø for å slappe av, lese biologi og spiser krabber!:D Det gleder eg meg veldig til!

Litt bilder:

Poteta havna i vannglasset under kjøttkakemiddag

Kirsten prøver ut ulike kostymekonsept. Her ei blanding av juletre og Kleopatra.

Konsentrerte førebuingar.

Fornøyd juletre på halloweenparty

Ein liten pust i bakken på fjelltur i Eggedal

Fruktordning - eit samfunnsonde?

2009-09-13T18:06:00.005+02:00

Dei siste vekene har det florert med politisk reklame over alt i Oslo by. Høyre er eit av partia som er godt representert på plakatar og tavler. "Ser du rødt? Stem blått!" er slagordet. Vidare står det i stor skrift skrive ord som arveavgift, togkaos, helsekø og politimangel der første halvdelen av ordet er i blå skrift og den andre i raudt skrift. Bodskapen er klar: Med ei borgarleg regjering vil ein verte kvitt avgifter, kaos, kø og mangel - onder som er forårsaka av den sittande raudgrønne regjeringa. Fredag kveld oppdaga eg eit nytt ordpar i reklameserien. Nemleg "skulefruktordning", der skule var skrive med blå skrift og fruktordning med raud skrift. Eg må vere ærleg å sei at eg syns ordet passa dårleg saman med resten av ordpara. Med mindre Høyre ser på fruktordningar som eit stort samfunnsonde som må avskaffast så fort som berre råd. Det hadde ikkje forundra meg det..

Eg blir imponert over...

2009-09-10T15:24:00.001+02:00

... folk som kan sitte feil veg på trikk, buss eller bane og lese.

Realister med sekk

2009-09-02T18:29:00.003+02:00

I dag har eg vore på skrivekurs. Der lærte vi ulike verktøy for korleis ein kan angripe det å skulle skrive ein tekst. Det var forsåvidt veldig interessant og lærerrikt, men det var eigentleg ikkje det denne bloggposten skulle handle om. Det denne posten skal handle om er realistar. Nærmare bestemt realistar med sekk.

I dag kom Martin ned og spiste lunsj med meg på Blindern. Det var forsåvidt óg veldig kjekt. Er jo ikkje akkurat sånn at vi ser for mykje til kverandre for tida. Men det var altså heller ikkje det denne bloggposten skulle handle om. Den skulle handle om realistar, med sekk.

For, då eg skulle sei hade til Martin før eg gjekk ned trappa til klasserommet der skrivekurset skulle vere, kom det ein haug med folk gåande forbi oss og ned trappa. Midt i folkemengda såg eg ein gjeng frå faddergruppa mi (alle realistar på Lektorprogrammet). "Dei der er mine folk!" sa eg til Martin. "Hvem da?" spurte han. Eg tok eit raskt overblikk over trappa, og fant fort ut at alle mine folk hadde sekk, mens alle andre i trappa hadde veske. Eg må innrømme at eg syntes det heile var ganske så morsomt. Er det sånn? At det er berre realistar som er kule nok til å tørre eller eventuelt smarte nok til å gå på skulen med sekk?

Sommerferie

2009-07-29T12:15:00.020+02:00

Dei siste ti dagane har eg faktisk hatt sommerferie. Ikkje sånn sommerferie der eg har vore leiar på ein festival eller ein leir, eller der eg har jobba 100% turnus på sjukeheimen. Nei, sånn ferie der eg har hatt heilt fri og kunna gjere akkurat det eg har hatt lyst til, kanskje etter eit og anna kompromiss med Martin, men likefullt: FRI!

Det kan på ingen måte seiast å ha vore stressande dagar. Det har gått mykje i soving, slakking, lesing og andre liknande meget rolige aktivitetar. Men litt har vi gjort. Vi har vore på stølstur, i regn og litt sol, med fisking, turgåing og bading (!). Vi har vore på piratfest hos Ingvild. Vi har vore ute på sjøen og fiska opp til fleire gongar. Vi har vore på båttur med underteikna som debuterande kaptein. Vi har sett film. Vi har sett Heroes. Vi har vore på Bua. Vi har vore på Brandsøyåsen. Vi har eigentleg berre nytt deilige sommardagar på Vestlandet (med og utan sol).

I morgon er det slutt på fridomen. Då ber det til Ulsteinvik og ei veke med Ten Sing Seminar. Det blir stas!

Og med glede kan eg meddele at det for første gong på veldig lenge følgjer med ein skikkeleg biletekavalkade til innlegget! Nyt det :)

Bestefar skyssa oss over vatnet til Stølen

Fornøgd fiskar

På tur med ein god gjeng krøllete venner

Førebuing til bålbrenning

Bålkos

Avslapping på vatnet i mørket

Glade pirater på piratfest (med blåbær på tenna..)

Martin MB sin "pai-rat"-pai

Nåkken drog kostymet litt lenger enn andre

På båttur med kjeks og kinasjakk

Sprekingar (?) i blesten på toppen av Brandsøyåsen

Venting

2009-07-18T19:47:00.003+02:00

Eg hater å vente. Det er det verste eg veit. Sjøl om eg venter på nåkke veldig kjekt og fint og flott så er det pyton å vente. Æsj altså.

I seinaste laget

2009-07-10T15:35:00.004+02:00

Tre dager for seint, men likevel på sin plass meiner eg. Hipp hurra for min kjære som hadde bursdag på tirsdag! Han koser seg på BOLK i Ulsteinvik for tida, så bursdagen får vi feire når han kjem hit til meg om 9 dager? Om eg teller ned? Skjønner ikkje ka du snakker om..

En stk fin og blid bursdagsgutt <3

I kveld skal eg forresten på Boney M & Bigbang-konsert! Det blir bra har eg trur på. Kanskje ikkje så bra som det her, men likevel, eg gleder meg :)

Full rulle

2009-07-06T21:56:00.003+02:00

No har eg hatt sommerferie i litt over ein månad, men det betyr på ingen måte at eg har låge på latsida sidan sist blogginnlegg.

Eg har:
- flytta inn i ny leiligheit
- flytta og vaska meg ut av gammal leiligheit
- vore på TT i Gjøvik
- kjørt bil frå Gjøvik til Florø, eller iallefall sotte på
- jobba første av tre veker på Flora Omsorgssenter
- vore eit døgn på Svoa med familie og fadderbarn
- vore på båttur til Batalden med rekespising og bading (årets første og foreløpig einaste!)
- vore på Bua med gjengen
- hatt oppkastsjuka
- låge i sola
- lest bok
- låge meir i sola
- lest endå meir bok

Været har vore upåklageleg sidan eg kom hit, og vi merkar framleis ingenting til det væromslaget som er spådd å skulle komme. Så bortsett frå eit litt avgrensa sosialliv, sidan eg eller dei eg kunne tenke meg å henge med enten jobbar eller er bortreist, er det ganske så okay å vere heime i Florø no.

Å vestland, vestland, når eg ser deg slik...

2009-06-09T23:39:00.002+02:00

..., med fjorden som ligg blekkstille og med fjell som speglar seg i den. Med blå og klar himmel, frisk kveldsluft og den etterlengta stilla. Sjølv om eg byrjar å like austlandet og Oslo ganske godt så har dei lite eller ingenting å stille opp med i forhold til det her. Florø, særleg som sommaren, det er paradis på jord det! Gler meg til eg skal vere her ein månad i sommar.

Eg er altså heime hos mor og far i Florø, og eg nyt det. Ligg på sofaen og sløver, et yoghurt, havregraut og anna mat som ikkje krev for mykje verken av tygging eller gaping, les bok, ser på tv og på film og nyt at eg har sommarferie og absolutt ingenting eg skal eller burde gjere. La vita é bella!

Eit aldri så lite jubileum

2009-06-02T22:21:00.005+02:00

I dag har eg og Martin vore sammen i eit halvt år. Kanskje ikkje så mykje å skryte av vil nåkken sei, men eg syns det fortjener eg blogginnlegg eg. Hipp hurra for oss:) Eg feirer med heimeeksamen om kristendom, islam og Vesten. Torsdag blir ein god dag. På torsdag er det sommerferie!

Fine og nedsnødde på skitur i Nordmarka :)

Om stort og smått i mai

2009-05-28T13:32:00.006+02:00

Det har vore ganske dårlig med blogging i det siste, mest fordi eg ikkje føler eg har hatt så mykje å blogge om. Det går liksom i det samme føler eg; eksamenslesing, sosialisering av ulikt slag og litt korøving innimellom og sånn.

Men når eg tenker over det så har det jo egentlig skjedd litt i det siste. Eg har feira 17. mai i Oslo for første gong. Eg var på jobb på dagen, så det blei Nordstrandfeiring på meg (slottet får vi ta til neste år). På kvelden var vi ein heil gjeng ute på folkemuseet på Bygdøy hos Alf Reidar og grilla. Forrige helg var eg og Martin på Lillehammer på besøk hos Heidi, søstra til Martin. Ei deilig og avslappande helg med mykje slakking i sofaen, litt trasking i gatene på Lillehammer, caféliv og ein spasertur over Maihaugen i finværet. I eit forsøk på å trå varsamt vil eg karakterisere kjøreturen på motorvegen tilbake til Oslo i Justine, faren til Martin sin 23 år gamle konebil, som interessant. Den bilen har eindel sterke kjensler knytt til seg har eg etter kvart forstått.. Om kjenslene er like sterke som mine til pappa sin gamle Rocky gjenstår å sjå (eg måtte felle nokre tårer då vi solgte den). Det er nemleg snakk om at Justine skal skiftast ut med ein ny og meir fancy varebil!

Pinsehelga blir fullspekka av meir eller mindre spektakulære events. I kveld kjem mamma, pappa og Signe til Tigerstaden. I morgon klokka 14.oo skal vi nemleg overta leiligheita på Hasle. Det er kjempespennande! Eg gler meg til å begynne så smått å flytte i helga (fullstendig flytting får vente til etter neste veke pga. heimeeksamen). I morgon kveld er det "Takk for alt"-fest i Frognerparken, arrangert av Ingeborg som flytter til Trondheim for å søke lukka og kjærleiken, eller noko sånt. Eg skulle gjerne fortsatt å ha ho her ei stund til, men eg ser at Trondheim har ting å tilby som eg og Oslo ikkje kan. På søndag skal vi ha sommarkonsert med Kor Major i KFUM-huset i Grubbegata. Det blir bra trur eg, iallefall blir det kjekt. Anbefaler alle å komme! Klokka 19 i salen oppe.

Etter ei hektisk veke neste veke med eksamen og jobbing skal eg heim til Florø for å treffe to nye visdomstenner. Det gler eg meg til (lest med ein skarp ironisk undertone). Då blir nok KrinsKrams-øving på Skei kjekkare. Sjølv med ein nyoperert og stiv kjeve!

No må eg slutte å blogge, komme meg ut av pysjen og få noko vetugt ut av dagen kjenner eg.
Peace out!

2 x hipp, hipp hurra!

2009-05-13T19:32:00.005+02:00

Åshild hadde bursdag og blei 19 år på mandag. Bestefar har bursdag i dag og blir 81 år. Familien feirer på Svoa. Eg feirer i Oslo, med sol ute og lesing inne til exphil-testen som skal vere i morgon. Hipp, hipp hurra!

Lillesøster Åshild og storersøster Mildrid i 1990

Bestefar Sigmund under russerevy i 1947

Tre grunner

2009-05-07T13:06:00.003+02:00

1. Idag er det eksamen i Rel1001
2. Eksamen skal vere fra klokka 14.30-18.30
3. Eksamen skal vere i gymsal 4 i Idrettbygningen på Blindern

Tre grunner til at dette ikkje blir den beste dagen i mitt liv..

Hipp, hipp hurra!

2009-05-02T16:51:00.004+02:00

I dag har pappa bursdag og blir 53 år! Eg feirer med husvask og eksamenslesing, og eit fint bilete av pappa med "Harry Potter"-brillene sine :)

Tankevekker

2009-04-16T11:56:00.004+02:00

Ingus posta ein link på bloggen sin til i ein blogg skriven av ei 17 år gammal kreftsjuk jente. Eg måtte inn og lese og fekk opptil fleire tankevekkarar. Her er ein av dei:

"Man får et helt nytt syn på livet i en situasjon som min. Jeg skulle ønske det fantes en annen måte å få en sånn oppvekker på. Kanskje det finnes, bare at jeg ikke veit om den. Jeg skulle ønske alle mennesker lærte seg å sette pris på livet, selv når det går i mot en. Vi må slutte å kreve så mye av livet. Man kan ikke få alt man ønsker seg. Hva så om man ender opp med et A4 liv? Det var noe jeg absolutt ikke ville før, men nå hadde det ikke gjort meg noe som helst. Etter dette, hvis min tilværelse går over til å bli helt normal igjen, tror jeg at jeg kommer til å leve et nytt og bedre liv. Jeg kommer ikke til å klage lengre. Alle mennesker klager jo av og til, det er jo helt naturlig. Men jeg kommer ikke til å klage på samme måte som før. Jeg kommer til å sette pris på hver en dag jeg er til. Livet er svært verdifullt for meg." Regine Stokke - Face your fear

Sånt er sterk å lese, og det får iallefall meg til å tenke.

Flaut?

2009-04-15T12:19:00.003+02:00

Mildrid trasker bortover fra t-banestoppet på forskningsparken, blid og fornøyd i vårværet. Mildrid trasker vidare inn mot HF sine bygningar, med kurs for biblioteket på Sophus Bugge. Mildrid går inn døra til biblioteket og set kursen mot det området ho pleier å sitte i når ho sit her på Sophus og les. Mildrid registrer at det er tre heile rader ledige i det området, og tenker at "det var jo litt rart" og "så greit då!" Mildrid går målbevisst mot ein plass på den andre ledige rada og løfter blikket tilfeldig opp. Mildrid ser at det står nokre bord bortetter langs bordhyllene der det sit ein skokk med gamle damer. Mildrid tenker "hmm, det var jo litt rart", men fortset likevel like målbevisst mot plassen ho har sett seg ut, utan å tenke noko meir over det. Mildrid ser at ei av damene røyser seg og viftar febrilsk med armane med eit lettare panisk uttrykk i ansiktet (viftinga er som om ho prøver å jage bort eit dyr som er ein plass det ikkje skal vere). Mildrid forstår med eit at alle dei som sit i rommet har eksamen. Ho smiler litt unnskyldande til den paniske dama, snur på flekken og skynder seg tilbake dit ho kom frå. Mildrid registrerer på vegen tilbake at ho har gått rett fordi eit skilt der det står "Eksamen pågår. Ikke førstyrr!" Mildrid er flau? Egentlig ikkje. Kanskje ho har blitt så voksen at ting som før var heilt ubeskrivelig flaut, ikkje er så flaut lenger?

Økernveien 80 - min nye heim!

2009-04-08T11:29:00.011+02:00

Då var alle fristar for forkjøpsrett gått ut, og eg kan endeleg kringkaste nyheita: Vi har kjøpt leiligheit! Og for alle dei som no skrekkslagent trakk pusten og tenkte "Er ikkje det litt tidleg?!", så slapp av. Det er ikkje eg og Martin som har kjøpt leiligheit, men familien Svoen med tanke om at eg, Åshild og Signe skal kunne bu der medan vi studerer.

Det er ei koselig lita leiligheit som ligg på Hasle (4 min fra banen). 3-roms på 66kvm med nytt kjøkken, balkong og vedovn! Eg trur vi kjem til å få det veldig fint der, og eg gler meg til å få ein litt meir stabil busituasjon enn eg har hatt i haust. No veit eg kor eg skal bu i nokre år framover, og det er heilt greit.

Om nokon veit om nokon som treng ein plass å bu frå hausten av så gi meg eit tips. Det kan vere eg har eit rom til overs som skal leigast ut :)

Her kjem eit par bilete frå den nyinnkjøpte herlegheita:

Kjøkken

Kjøkken endå ein gong

Eine soveromsvindauget

Den koselege vedovnen i stova (som skal bli mitt soverom)

Skulebollar

2009-04-06T22:27:00.003+02:00

Eg har gjennoppdaga litt det å bake. Eg gjorde det mykje før, men etter at eg flytta til Oslo og blei travel student har det vorte lite av den sorten. Om det blir baking er det stort sett brød det går i (då gjerne med utgangspunkt i ei ferdig mjølblanding). Men no er eg heime hos mor på påskeferie og då blir det bakings! Det beste med å bake skulebollar er når det er ein kvart kartong med vaniljekrem igjen som eg kan spise rett fra kartongen med skei. Men når bollane endeleg er ferdigstekte er eg ofte så mett på vaniljekrem (og deig) at eg ikkje orker mange bollane før eg er stapp mett...

Så innmari sliten.

2009-04-05T16:09:00.006+02:00

Då er det jammen godt at eg setter meg på flyet i kveld. Heim til Florø. Til mamma og pappa. Til familiefeiring på Stølen. Til lesing, strikking og avslapping. Eg gleder meg!

Mi favorittårstid

2009-03-21T11:18:00.006+01:00

Eg elsker våren! Men eg trur ikkje det er sånn at våren er mi favorittårstid. For, når sommaren kjem så er eg kjempeklar for sommar og sol og varme. Og når hausten kjem så ser eg fram til kalde, klare haustmorgonar, sterke haustfargar og ein forfriskande hauststorm eller to. Og, når vinteren kjem så er eg veldig klar for snø, minusgrader og snøaktivitetar. Eg likar at årstidene skiftar. At det, når ein er litt lei av snø og kulde eller sol og varme, kjem ei ny årstid med nye temperaturar, nye fargar, nye lukter, nye aktivitetar og kanskje og nye sinnstemningar.

Men no er det vår. Og no er eg klar for grønne trær, blomster, at byen vaknar til liv etter vinterdvalen, vårlukter, stadig varmare kveldar, å sitte ute på ein benk i ein pause med kaffikoppen for å nye vårsola og nokre siste skiturar med sol og påskeføre.

Eg har gjort litt av det denne veka. Tatt lange pausar ute i sola på Blindern. På torsdag tok eg og Ingerid med oss kvart sitt teppe og ein kaffikopp og sette oss på Operaen for å nyte ettermiddagssola og solnedgangen. Det var ein veldig fin måte å tilbringe ettermiddagen på, og det kjem eg nok til å gjere igjen. Kanskje venter eg nokre veker til kveldane vert endå litt varmare, for det blei litt kaldt på slutten då sola gjekk ned. Og i går var eg og Martin på skitur i sola. Eg fekk testa dei nye, fine løypeskia mine, vi fekk gått nokre mil på meir eller mindre smørevennleg føre, og vi fekk nytt det deilige været i solveggen ved Nordmarkskapellet. Når livet byr på slike gode opplevingar som dei her, då har eg det godt!

Og så var eg forresten på kino i går og såg The Reader, med blant anna Kate Winslet. Ein veldig sterk og gripande film som anbefales på det sterkaste!

Ingenting å sei

2009-03-19T20:40:00.003+01:00

På ungdomsskulen og vidaregåande var eg den flinke mønstereleven som alltid rakk opp handa i timane og som trakk opp standpunktkarakterane på grunn av god muntleg aktivitet i timane.

No sit eg litt bak i auditoriet eller seminarrommet, høyrer på kva dei andre flinke, erfarne og kunnskapsrike studentane seier og held kjeft.

Eg har ingenting å ha på meg...

2009-03-17T19:59:00.005+01:00

Eller har eg kanskje egentlig det?

Eg gikk gjennom klesskapet mitt i dag. Tømte alle klærne, hylle for hylle, ut i senga. Bretta saman, sorterte, plukka ut ting eg aldri bruker og som berre ligg og tek opp plass, og la det fint inn igjen. Det har ikkje vore så ryddig sidan Ingeborg gjorde det same ein gong tidlegare i haust. (Ja, ho spurte faktisk om ho kunne få ta ut alle kleda, brette dei saman og legge dei fint inn igjen, fordi ho syns det var så fælt at alt låg sånn hulter-til-bulter i hyllene! Kver si lyst.)

Eg innsåg då eg stod der og bretta klær at "jo, eg har faktisk ganske mykje å ha på meg". Så må eg vel berre ærleg innrømme at det eg eigentleg meiner når eg seier at eg ikkje har noko å ha på meg, er at eg ikkje har noko nytt og fint å gå med, noko eg ikkje har blitt lei av å gå med endå.

Sånn reint miljømessig burde eg jo berre gå og slite på dei "gamle" kleda (eigentleg er dei jo verken gamle eller slitte, eg er berre lei av dei) i staden for å kjøpe nye. Og eigentleg er eg ganske flink til å gå å slite på dei gamle kleda mine, trur eg. For det første fordi det ikkje er så mykje tid til shopping i mitt hektiske studenttilvære. For det andre fordi studentøkonomien ikkje tillet dei store utskeiingane når det kjem til kjøp av klede. For det tredje fordi eg har svært vanskeleg for å kvitte meg med klede, då særleg klede eg har brukt mykje, slitt ut, og som eg med godt samvit kunne ha kvitta meg med. Dei som såg meg på Finnsnes då eg måtte kaste ei av favorittbuskene mine (som hadde spjæra under generalprøva til konserten), skjønner ka eg snakker om (ja, det var både tårer og snufsing involvert). Spørsmålet no er: Klarer eg å gi frå meg dei klærne eg har sortert ut i dag, eller blir dei liggande i ei kasse på loftet til ungane mine er 20 år? Om eg slekter på mor mi kjem dei til å gjere det..

Kor er bra!

2009-03-15T23:26:00.005+01:00

Eg digger kor!

Forrige laurdag såg eg første episode av Det store korslaget, og eg var så entusiastisk at eg måtte hoppe litt opp og ned på stolen, så kjekt syntes eg at det var! Det er vel og bra med solister som synger godt, men når eit kor trøkker til, med stemmer og groove og utstråling, då sitter ikkje gåsehuden langt unna. Det er kjekt å synge solo av og til og, men ingenting er som å stå i eit kor der alle stemmene trøkker på og det høres kjempetøft eller fint eller kult ut saman. Sånn som når Kor Major (det unge voksne-koret eg er med i) synger. Då høres det berre kjempetøft og groovy og funky og fint og rett og slett veldig bra ut. Og så digger eg dyktige dirigenter. Sånn som Mari (Voll Tesdal) som dirigerer koret mitt. Som lager det eine råbra arrangementet etter det andre, og øver det inn med koret som om det skulle vere den enklaste sak i verden.

Og når det i begge dei to første programma av Det store korslaget har blitt sunge songar frå reportoaret til Kor Major, då blir begeistringa for både programmet og for koret enda større :)

Kor, altså!

Hipp, hipp hurra, hurra, hurra!

2009-03-13T12:05:00.004+01:00

Forrige lørdag hadde eg bursdag. Eg hadde glømt litt kor kjekt eg faktisk syns det er å ha bursdag. Eit heil dag der eg får vere i fokus, får hyggelege meldingar på telefon og på facebook, får koselege kort og fine gaver. Ein heil dag der eg får pleie mitt eget ego. Fint det :)

På bursdagstimeplanen sto:
- Sein frukost/tidleg lunsj med Kirsten - Kos!
- Reinsing av sluket på badet - Ikkje fullt så kos..
- Shopping med Solveig og Kirsten - Megakos for meg, ikkje fullt så kos for lommeboka
- Middag med Soveig og Kirsten
- Bursdagsfeiring her heime med fastevennleg snacks på bordet, Det store korslaget på TV og ein liten gjeng av fine menneske eg ikkje ser så ofte som eg skulle ønske at eg gjorde

Takk til alle gode mennesker som gjorde det til ein riktig så fin bursdag på alle måter!

Sol i hovedstaden

2009-02-23T14:42:00.004+01:00

Eg liker trenden. Sola skinner. Sola varmer. Snøen smelter! Eg trudde eg lengta etter meir snørike vinterar, men eg har skjønt dei siste vekene at eg i grunn liker den snøfattige vestlandsvinteren ganske godt. Det er forsåvidt greit sånn det er no, når sola skinner og snøen smelter. Men når snøen laver ned, ingenting er i rute, det er umulig å komme seg nokon stad på grunn av høge brøytekantar, ingen fortau er skikkeleg brøyta sånn at ein sklir eit halvt skritt tilbake for kvart steg ein tek framover, og det er så kaldt at eg må ha fire lag under anorakken for å oppnå noko som kan begynne å ligne på komforttemperatur, då lengter eg etter den snøfattige, til dels litt for varme vestlandsvinteren.

Eg sit på lesesalen og burde skrive exphil-oppgåve. I staden for sit eg og ser ut av vindauget, på sola, den blå himmelen og snøen som smeltar. Sit og funderer på korleis neste år bli. På bopel og jobb og på at eg mykje heller vil legge ut på ski innover ei snøkledd vidde i solskinnet. For snøen er grei den, så lenge den berre held seg der den høyrer heime; borte frå gatene og kollektivspora i Oslo .

Slenger med eit skrytebilde av mitt nyinnkjøpte Roland FP-7 Stagepiano, som eg er veldig stolt av, før eg tar en god og lang, og kanskje litt ufortjent, kaffepause med Sunniva ute i sola.. :)

Hurra!

2009-02-19T16:59:00.001+01:00

Det her liker eg dårlig.

Drømmer

2009-02-18T13:13:00.014+01:00

Eg sitter og drømmer meg bort fra exphil, Platon og de Beauvoir til LAP, kjemi og biologi. Det kan bli en veldig fin høst, kjenner eg :)

Slenger med nokre bilete, fritt etter google.com.

Exphil er så kjedelig!

Og kjemi er så gøy!

Eg liker dobbelposting, ser det ut til. Når inspirasjonen og blogglysta kjem, då kjem den gjerne i dobbel dose.

Pusterom

2009-02-18T12:08:00.012+01:00

Av og til glimtar eg til med eit skikkeleg langt blogginnlegg. Det her er eit av dei. Så er dåkke advart :)

Livet i Oslo etter jul har vore travelt. Jobbing, studier, oppgåveskriving, møter, kor, reising og sosialisering gjer at sidene i den nye, fine almannakken min er godt fylt opp, minst fram til påske. Ordet frihelg eksisterer ikkje. Iallefall ikkje før eg bestemte meg for å ta grep i helga som var. Eigentleg skulle eg på øvingshelg med koret, men behovet for å gjere akkurat som eg sjølv ville ei helg var litt for stort, og det resulterte i ei veldig bra helg!

Lørdagsmorran kom Ingus ned for ein god kopp morrakaffe klokka 10, før vi traska oppover langt Akerselva og opp til Maridalsvannet i strålande solskinn frå ein herleg blå himmel. Frisk luft, stadig mindre støy frå storbyen, snø og god prat gjorde godt. På kvelden var det "Bedre sent enn aldri! Valentine-bursdagsfest, hos våsshz....." hos Camilla, Thea Kristiane og Vibeke. Fredrik og Mette, som var i byen i helga, dei fleste andre av TSN 07/08 som er i Oslo, i tillegg til ei rekke andre fine folk, både med og utan KM-bakgrunn var der, og det blei ein riktig så koselig kveld!

Søndagsmorran var eg tidleg (i alle fall for ein søndag å vere) oppe, dressa meg opp i turklede, tok med meg skia mine og hoppa på Sognsvannbanen. Ved Sognsvann møtte eg Andreas, og derfra langa vi ut mot Ullevålseter. Vi var lure og valde den vestlege løypa (vi er jo ikkje vestlendingar for ingenting), og slapp difor unna køkaoset i den austlege løypa. Været var ikkje fullt så strålande som dagen før, men likevel godt nok i massevis. Nok ein fin tur med frisk luft, avtakande støy, snø og hyggeleg selskap! Med film og kos på Bekkestua på kvelden var punktum satt for ei herlig helg!

Tittelen Pusterom kan kanskje verke litt misvisande for denne innlegget. Men, til tross for at helga kan verke hektisk, så blei den eit pusterom. Det er noko med det å kunne spørre seg sjølv: "Kva skal eg finne på i morra?" Tittelen er kanskje endå meir beskrivande for denne veka her. Plutseleg skulle bestemte alle seg for å reise bort denne veka, og resultatet er at eg har leiligheita heilt for meg sjølv, og svært få å invitere hit, fordi alle er bortreist eller opptatt. Eg trur eg har godt av eit sånt pusterom. Det å vere litt åleine. Gje seg sjølv tid til berre å vere, utan å måtte ta stilling til og å forholde seg til andre. Kjede seg litt, bli litt rastlaus. Gjere ting ein ikkje får gjort elles, fordi det skjer så mykje anna.

Til slutt nokre bilder frå turen på lørdag:

Herlig mandag

2009-02-03T18:51:00.004+01:00

No var eg så godt i gang, så då poster eg berre eit innlegg til!

I går var ein fin dag. Eg sov lenge. Eigentleg skulle eg ikkje sove lenge, men det gjorde eg. Og så våkna eg av at mamma sendte melding og sa at dei satt på bussen. Eg hadde nemleg besøk av mamma og bestemor i går. Det var veldig koseleg. Min kjære kom (meir eller mindre frivillig) på middag, og fekk hilse på bestemor. Eg trur dei kom greit frå det begge to :) Mamma har han jo truffe før, så det blei heller eit gledeleg (?) gjensyn. Etter å ha sendt mamma avgarde med flybussen spaserte eg og bestemor bort til Sofienberg for å besøke søskenbarn Øystein og Heidi som han er gift med. Det var også veldig koselig. Når eg til sist kunne rusle bort til Majorstuen kirke (meir riktig er kanskje å sei busse, men rusle står meir i stil med resten av dagen syns eg) og øving med KorMajor kunne i grunn ikkje dagen vorte stort betre.

Eg håper det kjem fleire sånne dager utover våren.

Snyting på lesesalen

2009-02-03T14:25:00.002+01:00

Ikkje forsiktig snufsing, eller litt sånn diskret blåsing for å fjerne det alle nødvendigste, før ho forsiktig tusler inn på do for å fullføre jobben. Neida, skikkeleg snyting, med lyd og heile pakka, sånn at ho er sikker på at ho har fått ut absolutt alt. Og sånn at ho er sikker på at ho klarer å forstyrre lesinga til samtlige i ein radius på minst 10 m. Og det held ikkje med ein gong. Det må gjentakast kvart 10. minutt.

Om nåkken nokon gong høyrer meg snyte meg på den måten på ein lesesal, slå meg i hodet, vær så snill!

Varsellamper?

2009-01-26T22:05:00.005+01:00

"If you feel faint, are short breathed, light-headed or in pain - STOP!" stod det på ein sånn klistrelapp på den ergometersykkelen eg brukte på Blindern Athletica i dag.

- For det første: Om eg skulle ha fulgt den oppmodinga hadde det ikkje vorte lange treningsøkta.
- For det andre: Lyser det nåkken varsellamper når eg etter fem minutt med trakking på sykkelen kjenner på alle symptoma som er lista opp? (Eg holdt ut i heile 20 min, berre for å ha sagt det.)

Tegnspråk

2009-01-19T15:22:00.009+01:00

I dag har eg vore tegnspråkkurs, første av tre dagar. Det var kjempegøy! Koffor eg har vore på tegnspråkkurs? Fordi eg har fått jobb som fast helgevakt på Conrad Svendsen Senter som er eit senter med ulike bu - og aktivitetstilbod for døve. Eg jobber på Noatun, som er ei omsorgavdeling for pleietrengande døve.

I tre og ein halv time sat vi i ein hestesko med store øreklokker på medan vi øvde på teikn og setningar, bokstaverte og artikulerte utan stemme, om og om igjen. Vi har til dømes lært det norske eit-hands-alfabetet, å telle til 999 millionar (vi har ikkje lært teiknet for ein milliard, hadde vi det kunne eg ha telt til 999 milliardar), alle teikn for dagar og månadar, ulike tidsomgrep, person - og familieteikn, alle hv.. -orda, og mykje meir. Tegnspråk er eit fantastisk fascinerande språk! Eg gler meg allereie til i morra.

Mitt personlege namneteikn:
Bokstavér ein m (som vist til venstre) to gongar medan du former ordet "Mil-drid" med munnen.

Nyttårstur rundt Sognsvann

2009-01-17T20:54:00.013+01:00

Forrige fredag tok eg med meg Ingerid og Solveig sitt Canon 400D på tur rundt Sognsvann. Det resulterte blant anna i det her:

Morro, hilsen db.no

2008-12-18T16:05:00.006+01:00

Sjekk her!

Kiropraktoren min er faktisk gift med Anette Stai!

Ny opplevelse

2008-12-15T17:24:00.003+01:00

Når du klør nåkke heilt vanvittig på kinnet, men er så bedøva i kjeven at det ikkje hjelper å klø. Mest sannsynlig fordi det eigentleg ikkje klør, du berre trur at det gjer det. Det er ganske fascinerande og litt irriterande, sidan det klør, uansett om det faktisk gjer det, eller om du berre trur at det gjer det.

Eg har operert ut ei visdomstann idag. Det gikk egentlig heilt greit og knirkefritt. Gjort på 15 min. I morra skulle eg bli hoven sa han. Det blir fint. No ligger eg på sofaen og slakker, god og neddopa på smertestillande. Finare det i grunn. I juni skal eg trekke to til. Det blir nok finast.

Juleferie

2008-12-14T14:08:00.002+01:00

... rett og slett! I kveld reiser eg heim til mor!:D

Vintersesong

2008-11-23T11:44:00.008+01:00

Vintersesong betyr kalde, klare vinterkvelder, snø, håndball-EM, verdenscup i lagrenn, hopp og skiskyting, jul, Tour de Ski, VM i nordiske grener, telemarkskjøring, brettkjøring, langrennsturer, kakao, Thomas Dybdahl, utekos, innekos, sofakos og anna kos. Eg liker vintersesong.

Eksponeringsbehov

2008-11-12T22:00:00.003+01:00

Om det er meg sjølv eg snakker om? Kanskje det. Vi oppdaterar Facebook-status, msn-nick og blogg i tide og utide. Alle aktivitetar, alle tankar og alle kjensler skal rapporterast, dokumenterast og kringkastast. Kvifor? Eg veit ikkje. Kanskje fordi det er gøy? Fordi det er så lett å bli riven med? Kanskje fordi vi på den måten får utløp for vårt eige eksponeringbehov? Er det bra? Kanskje det. Kanskje ikkje.

Dansejentene over gata?

2008-11-10T23:49:00.003+01:00

Eg og Agnes stod i stua og dansa den dansen her tidligare i kveld. På et tidspunkt slo det oss at for dei som ikkje visste bedre virka vi kanskje like sære som gitarmannen på andre sida av gata...

Dårleg vestlandsvær

2008-11-08T16:11:00.005+01:00

Eit av poenga med å flytte til austlandet var jo at eg skulle slippe regn og surt vær. Været no kan på langt nær måle seg med skikkeleg vestlandsvær. Skikkeleg vestlandsvær kan jo i grunn vere ganske fint og forfriskande. No er det berre vått, kaldt, surt og mørkt. Eg likar det ikkje.

Teologikåken

2008-11-06T23:20:00.003+01:00

Om det var nåkken tvil før, så er det iallefall slått fast no. Det er kveld i Hesselbergs gate. Eg og Solveig sit i stova, slakkar i kvar vår sofa med pc/mac på fanget og høyrer på forslaget til ny gudstenesteliturgi.

Moro på lesesalen

2008-11-03T15:38:00.003+01:00

Prøv å lese ein tekst på ei anna dialekt enn di eiga. Det er rett og slett kjempemorsomt, vel å merke om ein lever seg ordentleg inn i uttale og tonefall, osv. Dette fungere like godt når ein les inni seg som når ein les høgt, og førstnemnde er nok heilt klart førsteprioritet for andre medstudentar som sit rundt deg (eg trur iallefall eg hadde blitt lettare irritert om personen ved sida meg byrja å lese høgt fra "Troen i den bysantinske verden" på klingande/gebrokkent nord-norsk eller totensk). Det spritar heilt klart opp lesinga, og gjer kvardagen på lesesalen ganske mykje kjekkare. At ein ender opp med å måtte lese same tida tre gonger, på tre ulike dialekter, før ein til slutt kapitulerer og leser den på si eiga dialekt, får berre stå si prøve..

Det blir litt i meste laget med studierelaterte postar på denne bloggen for tida, men det er det som fyller det meste av tida mi, så då får dåkke heller tåle det..

Undervegsevaluering i skaparprosessen

2008-10-30T10:43:00.012+01:00

I ein prosess er det viktig med evaluering har eg lært. Eg har lyst å komme med eit innspel i evalueringa av skaparverket. Det her er ikkje meint blasfemisk eller for å kritisere Vår Herre og den jobben han har gjort. Stort sett syns eg at han har gjort ein heilt formidabel (korleis skriv ein det ordet eigentleg?) jobb. Men eg har altså eit lite innspel å komme med. Kan hende er eg litt seint ute, då denne prosessen har pågått ei stund, men eg prøver meg likevel..

Vi som menneske har jo fått i ansvar å forvalte og å ta vare på skaparverket, med menneskekroppen som ein viktig del av dette. Og på kva måte vernar ein vel betre om kroppen sin enn ved å trene og å halde seg i fysisk god form? Sålangt trur eg at eg og Vår Herre er ganske så enige. Men, kvifor er det slik at ein, når ein har vore flink til å springe, sykle, tøye, bøye, svette, løfte, pumpe, halde, løfte, senke, puste og pese, skal verte straffa for dette med ein kropp som vert ubrukeleg sjølv til dei enklaste gjeremål, som å komme seg ut av senga, gå rett fram på ein veg eller å sette seg ned på ein stol? Eg trur nok at det her berre er ein lite logisk glipp, noko som kan skje sjølv den beste, og eg hadde sett pris på om feilen kunne bli utbetra ganske fort. Takk!

Skrytepost

2008-10-28T17:10:00.003+01:00

Når man har vore så flink som eg har vore no, då er det lov å legge ut ein skrytepost på bloggen. På torsdag, klokka 23.59 har vi innlevering av eit arbeidskrav i DIAK1002. Eg har no skreve det ferdig og levert det inn. Ikkje fordi eg er opptatt i morgon og torsdag sånn at eg burde og måtte skrive det ferdig i dag. Eg er rett og slett bare ute i veldig godt tid. Når eg har vore så flinkt, då er det verkeleg lov å legge ut ein skrytepost på bloggen!

Eg har hatt ei finfin helg

2008-10-26T23:15:00.005+01:00

..., rett og slett. Fredag laga eg og Solveig middag sammen før vi såg den første Ringenes Herre-filmen. Kos! I går kveld fekk eg besøk av pappa. Vi var ute og spiste italiensk sammen med Arne og Dagfrid (mor og far i vennefamilie frå Trondheim). Kjempehyggelig. I dag tidleg spiste vi god søndagsfrukost med egg og kaffi. Også kjempehyggelig. Så gjekk eg og Solveig på gudsteneste i Paulus kirke, før vi raida loppemarkedet på Grünerløkka skole og markedet på Birkelunden for bilder og LP-plater. Så no har vi endeleg fått litt opp på veggane. Eg er lykkeleg. Dei andre to er godt nøgde (då dei ikkje har savna veggpryd i like stor grad som eg har). Ein søndagstur i finværet gjorde ikkje dagen dårlegare, og når eg i tillegg klarte å komme meg gjennom eit par titalls sider med pensumlitteratur før eg tok kvelden kunne det ikkje blitt stort betre.

Utkvilt etter eit døgn med ein ekstra times søvn er eg i storslag og klar for å møte veka som kjem. I alle fall til vekkerklokka ringer i morgon tidleg.

Home, sweet home

2008-10-17T10:08:00.002+02:00

Det er noko eige ved å vere heime. Og då meiner eg ikkje heime om i Hesselbergs gate 15 B i Oslo, men heime hos mamma og pappa i Florø. Og, det er ikkje sånn å forstå at eg ikkje trives i Oslo. Men det er noko eige ved å vere heime.

Svalbard

2008-10-10T12:57:00.029+02:00

I dag tidlig reiste min kjære samboer, Solveig, på bispedømmerådsmøte på Svalbard. For det første er det ganske kult at Solveig sitte i bispedømmerådet for Nord-Hålogaland. Det er ikkje det at det er for Nord-Hålogaland som er det kule, men det at ho faktisk sitte i eit bispedømmeråd. For det andre er eg grønn av misunnelse for at ho skal tilbringe helga på Svalbard!

Eg kjenner det er tid for litt mimring her på bloggen. Her kjem ein liten bildekavalkade frå bestemor si 75-års-feiring på Svalbard påska 2007.

Barnehagen på hundesledetur.

Til og med fabrikkpipene er pene i Longyearbyen.

Kinasjakk er obligatorisk når familien Elvik samles.

Isgrottevandring for familiens hardhauser,...

... og museumstur for familiens pingler.

Heile storfamilien på scootertur.

Heim i solnedgangen etter 11 timer på scootersetet.

Longyearbyen.

Eg SKAL tilbake til Svalbard ein gong!

Høstforkjølelsen

2008-10-07T18:19:00.005+02:00

Då var den her. Den obligatoriske høstforkjølelsen. "Det blir ikke jul før man har vært syk og hjemme fra skolen minst en gang", sitat Kristian Stenerud Skeie på Kor Major i går. I så fall kan jula berre komme no.

Ein kjenner den komme som lett kribling i halsen. Ein set kjapt kriblinga i samanheng med litt lågare energinivå dei foregåande dagane. Mistankande vert stadfesta morgonen etter når ein vaknar med ei nase som motset seg alle forsøk på å ta inn oksygen, og vidare ein kropp som kjennest ut som om den har sprunge maraton. Konklusjonen er lett å ta. Ein rolig dag heime er eit faktum.

Det er på ein måte kjipt å vere sjuk. På den andre sida så er det ganske okay med ein totalt slækk dag i senga med
"Grey's" og "Himmelblå" på pc-en.

Ka skal eg bli når eg blir stor?

2008-09-23T21:08:00.001+02:00

Forslag mottas med takk!

Mandag morra blues?

2008-09-15T08:52:00.004+02:00

Å neida! Klokka er ti på ni, og eg har allereie vore på lesesalen i 20 min. Ganske fornøyd med meg sjøl! No skal eg fortsette min karriere som flittig student med å logge av blogg og facebook og begynne å lese.. :) So long..

Kirk Franklin, oh yes!

2008-09-11T10:32:00.010+02:00

Sted: Sentrum Scene
Dato: 9. september 2008
Tid: 20.00 -->

Det var heilt rått! Det er den heftigaste konserten eg har vore på nokon gong! Snakk om stemning i publikum, og snakk om å gi alt på scena! Gjett om eg skal på Kirk Franklin-konsert igjen!

Mannen på andre sida av gata 2

2008-09-07T22:53:00.005+02:00

Mannen på andre sida av gata speler ikkje lenger berre gitar. Mannen på andre sida av gata er no også naken. Vi har en "naked ugly (akkurat det kan diskuteres) guy".

Mannen på andre sida av gata

2008-09-03T16:18:00.004+02:00

Vi har ein nabo som bur i leiligheta på andre sida av gata. Han liker å spele gitar. Som regel pleier han å stå i vindauget å spele, medan han gynger fram og tilbake som ein dansebandgitarist, berre hakket meir energisk. I dag står han på terassen. Han er ganske flink i grunn. Fin bakgrunnsmusikk til andaktsskriving. Så fin at eg måtte opne vindauget for å høyre endå betre.

Som sagt, eg skriv andakt. Den skal eg halde for Impuls Ten Sing imorgon. Det blir spennande. Og så skal eg til kiropraktor for første gong imorra. Det blir og spennande.

Tilstandsrapport

2008-08-19T15:00:00.002+02:00

Sound: James Tylor

Livet i Oslo er framleis bra, og etter litt over ei veke i leiligheta byrjar vi å komme skikkeleg i orden. Elles har eg første forelesning på fredag, og i går var eg på første øving i Kor Major. Gleder meg til fortsettelsen.

Så ei lita liste.

Ting eg liker med Oslo:
- Loppemarked
- At det er så mange bra folk samla i en relativt liten radius
- Kollektivtrafikk
- Været
- Universitetet
- At eg bor sånn at eg kan gå heim både fra byen og fra Blindern

Kanskje komme det fleire punkt på eit seinare tidspunkt. No skal eg ete opp nudlane mine.

Hesselberg gate 15

2008-08-10T23:51:00.003+02:00

No ligg eg i senga mi, på rommet mitt, i leiligheita vår i Hesselberg gate 15. Flyttelasset er på plass. Eg er på plass. Agnes er på plass. Imorra er Solveig og på plass.

Det her blir bra kjenner eg.. :)

Nye eventyr, nytt design

2008-06-30T19:22:00.005+02:00

Ten Sing Norway-året er over. No er det tid for nye opplevingar og nye eventyr. Eg feirar det like godt med nytt design på bloggen. Håper det fell i smak.

Vaksen?

2008-06-30T16:37:00.007+02:00

I dag begynte eg på jobb klokka 07.30. Då eg var ferdig for eg opp på vidaregåande for å kopiere vitnemålet frå Høgskulen i Volda. Etter det drog eg på apoteket for å hente medisiner. Vidare for eg til bokhandelen for å hente ei bok Åshild hadde lagt av, før eg gjekk for å kjøpe mat. Epler, nektariner, bananer, avocado, agurk, brunost, Skivet Skineost, brunost og Go'Morgen Yoghurt står lista opp på kviteringa som eg tok vare på for å skrive rekneskap. Til slutt for eg på posten for å hente ein pakke med kjøkkeninnredning, før eg for heim til middag som Åshild hadda laga fordi ho slutta på jobb litt før meg. Nye sko stod og på lista mi, men eg bestemte meg for å utsette det til ein dag seinare i veka fordi eg var for sliten til shopping idag.

Er det sånn det er å vere vaksen? I såfall trur eg at eg vil vente ei stund med å bli det...

75 studiepoeng innkassert

2008-06-25T22:21:00.004+02:00

Og denne gongen er det faktisk korrekt. Studiepoenga er innkassert, og stipendet er sikra. Berre ca 40.000 i lån. Jippi!:D

Ellers er eg heime i Florø. Det er godt og vel to veker sia Ten Sing Norway var slutt. I dette øyeblikk er neste års ettåringsgjeng på BOLK. Det er rart, det er trist, det er godt, det er eit sammensurium av ulike følelsar. Men eigentleg trur eg at det er ein god ting. Det har vore eit innhaldsrikt, opplevingsfylt, utfordrande, inntrykksfullt, hektisk, slitsomt og godt år. Eg angrar ikkje eit sekund på at eg valde å bruke dette friåret på TSN, men det er godt at det er nettopp det det er, EIT friår (kanskje meir presist eit år mellom VGS og studier, for friår er inga god skildring). Eg har lært utruleg mykje, både om med sjølv og andre. Eg har knytta vennskap (forhåpentlegvis) for livet. Eg har opplevd andre land og andre kulturar. Eg har reist. Eg har studert. Eg har drive med musikk. Eg har levd i sekk. Det har vore flott dette året. Og no er eg veldig klar for nye opplevingar. Nye utfordringar. Ny lærdom.

Kristendomsstudier i Oslo fram til jul. Kollektivlivet i Hesselberg gate 15 med Solveig og Agnes. Kanskje ein tur til India etter jul. Det harde studentlivet. Eg gler meg :)

Men først er det sommer. Sommerjobb på Flora Omsorgssenter, direksjonsseminar på Ten Sing Seminar i Ulsteinvik, YMCA festival i Praha og siste konsert med TSN 07/08 og flytting. Eg gler meg til det og :)

75 studiepoeng innkassert!

2008-06-04T13:13:00.003+02:00

Forhåpentligvis... Ca. klokka halv tolv var siste oppgåva levert. Moralen er eigentleg, ikkje ta 75 studiepoeng på eit år, endå kor lettkjøpte dei er og kor lite ein må arbeide for dei!

Men, det kjennes godt no når eg er ferdig. Iallefall med tanke på at eg var relativt dårlig natt til igår og heile gårsdagen med matforgiftning eller omgangssjuke. Litt usikker på kva det var endå, men godt var det iallefall ikkje.

I kveld er det teamavslutning. Imorra drar vi frå Litomysl. På laurdag er det avslutning på Rønningen. Søndag klokka 12.00 er TSN 07/08 historie. Det blir rart...

Balsam for kropp og sjel!

2008-06-01T00:06:00.013+02:00

Eg har akkurat komt ut av dusjen etter ei (hald dåkke fast) to og ein halv times lang treningsøkt. Det er ikkje dårlig for meg å vere. Først fotball i ballbingen borte ved skulen, og så ein time med hardkøyr i styrkerommet med Helge som personleg trenar. Han kan å presse, det skal vere sikkert! Og det føles så ubeskriveleg godt no etterpå. Spørsmålet er då, når det kjennes så godt, kvifor er det så vanskeleg å få seg til å trene litt oftare? Fasiten ligg nok i at nytinga ikkje er like stor når bein og armar verkar og du ikkje orkar eit løp til etter ballen, eller å løfte den manualen ein gong til. Men, det er jo eigentleg ikkje noko god unnskyldning, for om ein berre hadde gjenteke bedrifta nokre gongar så hadde det blitt meir og meir nyting også i sjølve treninga.. Så, ambisjonane framover er store. Eg skal utnytte siste tida her i Litomysl med ballbingen og treningsrommet for det det er verdt. Og i sommar skal eg bli skikkeleg sprek og springe på mange fjelltoppar, sykle til jobb kvar dag og helst jogge nokre gongar i veka. Eg kjenner at det her blir bra!

Ellers vert mykje av tida her i Litomysl brukt i klosterparken i den brennheite og deilige sola. Vi leser skjønnlitteratur, spiser is, prater om kor flinke vi skal vere i morgon med å begynne på praksisoppgåva, søker etter leiligheiter, prater om leiligheiter, prøver å skaffe folk til å gå på visning for oss på leiligheiter. Livet i Lito er digg, og eg har blitt solbrent idag. Skikkelig solbrent! Så imorra blir det innedag og oppgåveskriving på meg. Det er i grunn heilt okay.

Eg har fått knabba til meg nåkken bilder fra Ingus. Litt klosterparkliv og litt 17. mai-feiring. Hurra!

Isspising i klosterparken

Meir isspising i klosterparken

Ingerid og Fredrik nyter sola i klosterparken

Andreas gjør seg deilig forran kameraet i klosterparken

Mikkel pønta seg med bart til 17. mai

Flaggheising på 17. mai

Speidarar alltid budd, også på 17. mai

Gamle damer og foreldre i barnetorget

Russen, rektor Finnsnes og lettare fortvila gammel dame i barnetoget

Kollokviegruppe - løysinga på alle våre problem?

2008-05-24T15:38:00.009+02:00

Eg lova meg sjøl at den neste bloggposten min ikkje skulle handle om eksamen. Men løfter er til for å brytes, er det ikkje så?

På mandag er det eksamen i bibelfag. Til då skal vi ha full kontroll på mange hundre sider med pensum, som dei fleste av oss begynte på for alt for kort tid sidan. Lenge leve skippertaket? Det straffer seg å utsette som mi mor så godt sa det i kommentaren på den forrige bloggposten er vel meir dekkande..

GT og NT, Fedrehistoria, Genesis, Exodus, proto - , deutro - og tritojesaja, visdomslitratur, profetar, brevlitteratur, apokalyotiske skrift, evangelier, forfatterskap, tidfesting, kanoniseringsprosessar og viktige særtrekk. Eksegese, ekskurs, detaljutleggingar. Omfanget er enormt. Forkunnskapen er heller snever.

What to do?

Min legepappa har prata mykje om tida som student ved medisinstudiet. Kollokviegruppe er eit ord som dukkar opp ganske hyppig. "Kollokviegruppe, det var tingen!" , "Vi løyste fleire hundre eksamenssett, om og om igjen, heilt til det satt", "Kollokviegruppe er ein kjempegod måte å lære på!", "Dåkke burde samle dåkke i kollokvigrupper!".

Den siste veka har kollokviegruppeaktiviteten vore stor på rom 4.11 (rommet til Ingerid og Vibeke). Læra om den treeinige Gud, opp skapinga, om oppstoda og ikkje minst dei tre aspekta ved frelsa har vore hyppig diskutert. Det same har ungdomskultur i forhold til rus og seksualitet, karismatisk ungdomsarbeid og medvandrarprinsippet. Vi har no bestemt oss for å prøve det same med profetar, stamfedre, evangelistar og brevskrivarar. Om det vil funke gjenstår å sjå. Vi kryssar fingrar og tær og håpar på det beste.

I kveld er det Grand Prix. Vi heier såklart på Noreg og Maria, og hendinga skal markerast med stor Grand Prix-fest i tv-stova her i slottet. Det blir forhåpentlegvis eit godt og etterlengta avbrekk frå statisk eksamenslesing.

Det var det for denne gang. No ventar Jesaja...

Eksamensangst

2008-05-19T21:28:00.003+02:00

Eg føyer meg til Espen, eg trur eg lid av eksamensangst. Eg gjer nesten alt bortsett frå å lese til eksamen om 2, 4 og 7 dagar. Søking etter leiligheit, høre på musikk, blogge... *Sukk*

Og forresten, om nokon veit om ei 3-roms leiligheit (2 soverom) til ca. 4000 som vert ledig frå hausten av tekt eg og min framtidige sambuar Solveig gjerne imot tips!

Eksamenstid

2008-05-18T17:25:00.004+02:00

Gangen er heilt mørklagt. Ingen bryr seg med å skru på lyset. Ein skal jo berre bort på do ein tur, kanskje ned på kjøkkenet for å hente litt drikke eller mat. Det er ingen andre i sikte, alle sit på romma sine med nasa godt planta i ei bok. Truslære, kyrkjehistorie, konfeksjonskunnskap og etikk. Nokre les litt på Ungdomsarbeid, ungdomskultur og bibelfag og, det er jo tross alt eksamen i dei faga og om ikkje mange dagane og.

Studeringa vert stadig meir intensivert. Ein står opp, et frukost, set seg og les til lunsj. Et lunsj, og fortsett med lesinga til det er tid for middag, helst sjølvlaga på kjøkkenet for å spare tid. Panikken brer seg. Det er så mange bøker ein skulle ha lest, og det er så alt for lite tid igjen...

Dei seier visst vi er det TSN-kullet med høgste studiemoralen på mange år. Det kjennest ikkje heilt sånn. 75 studiepoeng er igrunn galskap på eit år som dette. Kanskje kjennest det betre etter at eksamenane er overstått, og (forhåpentlegvis) ståkarakteren er innkassert...

Endeleg i Litomysl

2008-05-14T17:21:00.005+02:00

Eg er i Litomysl. Det er ein fantastisk by. Eg har vore her i ganske nøyaktig eit døgn no, og eg kan med ganske stor sikkerheit sei at eg er forelska..

Viser til Kirsten sin blogg for bilete av denne nydelege byen.

Jalla, jalla!

2008-05-12T21:41:00.004+02:00

Eg skulle gå på bussen i Bergen på fredag. Då var det ei dame framfor meg som ropte "Jalla, jalla" til mannen sin som gjekk bak oss.

No har eg vore heime i to veke. Ein skulle tru eg hadde fått slappa mykje av, og kanskje hatt god tid til å kjede meg. Litt har det blitt av begge deler, men ikkje mykje. For å oppsummere kort:

Konfirmasjon:
- Sånn cirkus 20 tilreisande gjestar = fullt hus og stormande jubel i nesten ei veke. Sånt kan eg like!
- God mat
- Hyggeleg selskap
- Fin konfirmant

Studering:
- Forsøk iallefall
- Forsøket heller mislykka

Framnes Kristne Vidaregåande Skule:
- På besøk hos Åshild
- Kjempevarme og strålande sol
- Beachvolley
- Frisbee
- Eksamenslesing på brygga

80-årsfeiring:
- Ein sprek 80-års jubilant (bestefar Sigmund)
- Sandven Hotel i Norheimsund
- Blomstring i Hardanger
- Storfamilien samla

No er eg i Bergen. Imorra reiser eg til Tsjekkia for å slutte meg til resten av gjengen i Litomysl. Det gler eg meg veldig til!

Til slutt, hald dykk fast, glimtar eg til med eit bilete av søstrene teke på konfirmasjonsdagen!

Heathrow Airport, London - 27. april 2008, 14:03

2008-04-27T15:15:00.001+02:00

Eg sit på Friday's i Terminal 3 på Heathrow. Kyllingburgeren eg nettopp har ete ligg godt i magen, og eg byrjar å kjenne at eg har vore oppe sidan klokka 05.30. Kelneren som tok opp bestillinga mi var så opptatt med å flørte når eg bestilte at han måtte komme tilbake for å spørje kva det var eg skulle ha ein gong til. Flørtinga blei det imidlertid brått slutt på då eg forklarte at eg ville ha vatn og ikkje brus frå Coca Cola Company fordi dei er eit kynisk selskap som utnyttar fattige bønder i den tredje verda. Det var tydeleg at han var lite interessert i ei dame med idealistiske meiningar som ikkje lot seg sjarmere av hans generøse tilbod om at eg skulle få ein ny brus om eg ikkje likte sitronbrusen (Spriten) han kunne tilby med eit lurt smil og glimt i auget. På bordet ved sidan av sit det ein svenske (som ikkje veit at eg er norsk og forstår alt han seier) som pratar i telefonen med kjæresten og ein amerikanar som likar å syngje andrestemma til alle songane dei speler over høgtalaranlegget. I grunn så er han ikkje så verst til å syngje.

Resten av teamet er snart på veg til Praha, der dei etter kvart skal skal treffe dei to andre teama. Først for ei veke i Ceske Petrovica (skrivemåte uvisst) og så fire veker i Litomyzl. Eg sit og ventar på flyet mitt som går til Oslo 17.30. Eg skal heim til Noreg og Florø i to veker på grunn av lillesøster Signe sin konfirmasjon og bestefar Sigmund sin 80-årsdag. To veker med mykje familie, nyoppussa hus, besøk til lillesøster Åshild på Framnes, litt tid med vener, og forhåpentlegvis ein del studering, før eg og vender nesa mot Tsjekkia for å tilbringe dei tre siste vekene av Ten Sing Norway-året med resten av gjengen.

Siste teamperiode er over. Ikkje fleire skulekonsertar. Ikkje fleire seminar eller Ten Sing-øvingar. Ikkje fleire workshops, konsertar eller opptredenar. På ein måte så kjennes det veldig trist. Dei her tinga har jo meir eller mindre vore livet mitt i eit år, iallefall etter jul. Vi har fått så mange utfordringar. Og opplevingar, både positive og negative, morosame og rare, spesielle og sterke. Vi har lært så mykje om oss sjølv, om kvarandre. Vi har blitt så trygge på kverandre, vi veit så godt kor vi har kvarandre. På den andre sida kjennes det veldig godt at det går mot slutten. Ein når til slutt eit metningspunkt der ein byrjar å bli klar for nye utfordringar og opplevingar i nye rammer. Det skal bli godt å vende tilbake til eit litt meir normalt liv. Eit liv der eg ikkje lever konstant i sekk, der eg kan bestemme sjølv kva eg skal bruke ettermiddagen til, der eg kan bestemme sjølv kva eg vil ete og når eg vil gjere det. Men før det er det altså tre veker med studering og sosialisering med gjengen. Det gler eg meg veldig til!

Det har vore dårleg med oppdatering sidan første veka i Tsjekkia, og det kjem ikkje så mykje meir i denne bloggposten. I staden vider eg til heimesida vår www.kfuk-kfum.no/tsn --> Team Perk, der det ligg opptil fleire artiklar frå denne teamperioden.

Men, for å nevne nokre ting:

Eg har debutert som predikant i ei baptistkyrkje i England (ja, eg hadde faktisk preika i gudstenesta deira). Det var ei interessant oppleving som i grunn gav litt meirsmak, utan at eg nødvendigvis kjem til å gjere det til ei vane.
Eg har sove i same hus som ein slange. Det stemmer, EIN SLANGE! Den låg på andre sida av veggen der senga eg sov i stod. Den var riktignok i eit bur, men det var likevel ei oppleving eg har lite behov for å gjenta.
Eg har opplevd Tsjekkisk gjestfriheit på sitt beste. Medan eg og Christina sov i gode, oppredde senger, sov verten vår, Katka frå Ten Sing Ostrava på luftmadrass med eit fleeceteppe på golvet, medan mora sove på sofaen i stova.
Eg har spist fleire rettars middag (minimum to rettar til kvar måltid) i to veker. Dette takka vere norske Irene som er primus motor i Ten Sing Cambridge (beståande av Histon Ten Sing, Comberton Ten Sing og Sweyvsey Ten Sing). Dama kan Ten Sing, og dama kan mat. Eg er ein smule bekymra angåande bunaden eg skal inn i om ei veke, men kryssar fingrane for at det går bra.

Dette blogginnlegget vart lenger enn langt, og sluttar her. Eg lovar og lyg om bilete. Kanskje klarar eg ein gong å få somla meg til å leggje ut nokre bilete frå mine mange opplevingar frå det store utland. Kven veit...?

Early morning April 4...

2008-04-04T22:59:00.006+02:00

Sju deltakarar, ein leiar og ei tsjekkisk vertinne traskar søvnige gjennom Brno's gater. Klokka er kvart over sju og vi er klare for siste dag med skulekonsertar. Gitaren gir frå seg dei første klangane for dagen. Vi syng "Pride" av U2. "Early morning April 4, shot rings out in the Memphis sky." Kva dag passar det vel betre å starte skulekonserten med denne songen enn i dag?

Idag hadde vi dei fire siste skulekonsertane. Etter lunsj, litt planlegging og middag avla vi eit nytt tehus eit besøk. Kvelden vart avslutta med tur opp på borga som ligg på ein liten høgde midt i sentrum. Utsikta over Brno by night var upåklageleg. I morgon står fire timar seminar med Ten Sing Brno og forhåpentlegvis nokre nyrektruterte ungdomare frå skulane på planen. Det blir spennande! Og så skal vi lage norsk mat til vertane våre. Vi endte opp med kyllingwok! Vi prøvde å finne på noko typisk norsk å lage, men konklusjonen var at vi ikkje kan å lage så veldig mykje som er så veldig typisk norsk, og eventuelt er det vanskeleg å få tak i ingrediensane her. Vi får håpe dei vert nøgd fordeom..

Så nokre rare/morsomme/overraskane ting i Tsjekkia:
- Ingen offentlege toalett har dopapir inne på toalettet
- Mange offentlege toalett har ikkje lås (folk banker på for å høre om det er ledig!)
- Tsjekkarane (også ungdommen) snakkar overraskande dårleg engelsk
- Det går ofte både 7 og 8 timar mellom kvart måltid her - noko som er svært utfordrande for sultne nordmenn, vi pratar om mat heile tida og føler oss som nokre matvrak, eller "food animals" (sitat Kirsten)

Eg håpar det kjem ein biletepost om ikkje så lenge, om eg får tigga til meg nokre bilete frå dei andre teammedlemma mine.

Det var det for denne gong. No skal eg sove. I morgon kan eg sove leeenge. Det gler eg meg til.

Påskeferie og Brno

2008-04-01T23:08:00.004+02:00

Etter to veker heime på påskeferie skulle ein tru at eg hadde klart å få posta eit blogginnlegg, men den gang ei. Ambisjonane var store og ideane mangane, men det hjelp lite når ein ikkje får ut fingeren.

For å oppsummere påskeferien:
- Eg sov
- Eg slappa av
- Eg hang med venner og familie
- Eg malte møbler
- Eg laga mat i garasjen
- Eg spiste middag forran tv'en
- Eg gikk på ski
- Eg scanna bilder
- Eg kobla av med hyttekos
- Eg bygde igloo
- Eg samla rett og slett energi og lada opp batteria før siste teamperiode

No sit eg i ein sovesofa på rommet til Mifa, ein av leiarane i Ten Sing Brno. Vi er altså komme fram til Tsjekkia. Vi kom med fly frå Oslo til Praha igår, og tok tog vidare til Brno derifrå. I grunn så likar eg godt å ta tog, iallefall i Tsjekkia. Det er så behageleg og avslappande, med lite svingar, og med mykje spennande å sjå utanfor vindauga. Hjemmet si "500 spørsmål" gjorde og til at den tre timer lange togturen gjekk fort unna. På togstasjonen i Brno vart vi møtt av Mifa og Sàrka som tok oss med til eit tehus for litt "tea room relax", som betyr tedrikking i eit mørkt, teppelagt rom der vi sat på puter på golvet. Der møtte vi og Katka, som er den tredje leiaren i Ten Sing Brno. Desse tre står og for innlosjeringa av oss medan vi er her i Brno. Her er det ikkje snakk om gjesterom. På rommet til Mifa søv vi no fem stk; Hanna, Ingeborg og Mikkel i tillegg til Mifa og underteikna sjølv. Trangt og intimt, men dertil koseleg:)

I dag tidleg var nokre tidleg oppe og utforska gatene i Brno, medan andre, underteikna inkludert, sov lenge og møtte dei andre til lunsj i studentkantina. Etter det drog vi til eit YMCA-kontor for å planlegge programmet for veka. Klokka halv fem var det tid for øving med Ten Sing Brno som og fylte 2 år idag. Etter tre kjekke timar med leiking, synging, dansing, dramatisering og endå meir synging gjekk turen til ein pizzeria for middag. No er vi altså tilbake der vi søv, trøtte og klare for ei kort natt. Første skulekonsert i morgon er klokka åtte, etter den følger to stk. På torsdag og fredag skal vi ha til saman ni skulekonsertar på 45 min på iallefall sju ulike skular.

Eit langt og litt rotete blogginnlegg med klart dagbokpreg. Skal prøve å unngå det framover.

Dagens (og gårsdagens) opptur: Det er nydelig vær med sol og høg temperatur i Tsjekkia. Vi trenger solbriller!:D

Dagens nedtur: Det er 1. april og eg har ikkje lurt nokon, og ikkje ein gong blitt lurt av nokon andre!

Gode ting

2008-03-10T14:38:00.003+01:00

Etter eit par timar intens rydding og vasking i rektorboligen er vi snart klar for avreise frå Rønningen. Målet er Blefjell der vi skal vere fram til fredag på vinter-BOLK. God tid, god mat (forhåpenlegvis?), kjekke folk, snø og anna morro. Oppgåva er levert inn. Influensaen er på retur. På fredag er det påskeferie. Gode ting!

Den tiande konserten i rekka

2008-03-05T23:00:00.008+01:00

Idag hadde vi konsert i trønderhovudstaden, den tiande i rekka. Den fann stad i Hoeggen kirke.

Eg prøver å motarbeide den massive biletetørka på bloggen ved å lime inn eit illustrasjonsfoto av Hoeggen kirke, men eigentleg er det eit dårleg illustrasjonsfoto, for akkurat no er Trondheim dekt av herleg kvit snø.

Konserten gjekk bra den: god lyd (noko som har vore ei mangevare på denne norgesturneen), god stemning og fleire kjenninga i salen gjorde det til ei særs hyggeleg oppleving. Dette til tross for at halve TSN for tida slit med sjukdom av ymse slag, underteikna inkludert. Her har vi både feber, oppkast, betennelsar og andre større eller mindre plager. Det er ikkje lett å vere ein gjeng på 22 ungdomar med eit heller labert imunforsvar og smittefaktor på linje med ein barnehage.

Imorgon tidleg reiser vi med buss til Oslo. Eg kjenner det skal bli godt med ferie snart.

Lenge leve skippertaket?

2008-03-04T11:26:00.007+01:00

Eg har så godt tid.
Eg har kjempegod tid.
Eg har eit hav av tid.

Plutseleg har eg ikkje så god tid lenger.
Plutseleg er all tida brukt opp.

Og her sit eg, med 2000 uskrivne ord...

Sidan sist gong

2008-03-02T21:50:00.003+01:00

I fare for at bloggen skal stå uten oppdatering i nye to månadar har eg valt ei litt mindre ambisiøs overskrift for dette blogginnlegget. Så lang tid har det gått sia sist oppdatering at eg har gløymd kva storleik eg pleier å bruke på skrifta. Det seier sitt, det er på tide med ei lita oppdatering..

På torsdag er det to månadar sidan vi møtte opp på Finnfjordbotn videregående skole etter ein god og lang juleferie. I løpet av dei to månadane har vi tilbakelagt eit imponerande tal kilometer, vore innom eit akseptabel tal stadar, møtt ei stor mengd menneske og blitt veldig mange opplevingar rikare.

For å oppsummere i korte trekk:

Vi har vore innom:
- Tromsø
- Finnsnes
- Finnfjordbotn
- Bodø
- Skjerstad
- Hamarøy
- Sykkylven
- Stranda
- Stryn
- Bømlo
- Bergen
- Florø
- Førde
- Oslo (Rønningen)
- Bærum (Østerås)

Der har vi:
- Halde hovudkonsertar
- Halde skulekonsertar
- Hatt seminar
- Hatt Ten Sing-øvingar
- Hatt konfirmantopplegg
- Hatt forelesningar
- Skrive oppgåve

Planen for dei neste vekene er:
- Fri to daga før vi reise til Trondheim 4.
- Konsert i Trondheim 5.
- Reise til Oslo 6.
- Reise til Vigeland 7. (min bursdag, om nåkken skulle finne på å glømme det)
- Reise til Oslo 9.
- Reise til Blestølen på vinterbolk 10.
- Påskeferie 14. (diggz!)
- Sporty påske 15. (enda meir diggz!)

Den lille oppdateringa blei visst ikkje så liten likevel! Håper dåkke er fornøgd!

PS: Dårleg med bilete for tida! Grunnen er enkel, kameraet er øydelagd! Skal prøve å få nokre bilete av andre som eg kan legge ut seinare.

Peace out!

Back on track

2008-01-07T18:26:00.000+01:00

Etter ein aldri så liten juleferie frå blogginga er det på tide med ein statusrapport:

Location: Finnfjordbotn Vidaregående Skole
Vær: Kaldt
Føre: Is
Lys: Fraværande - det gjeld også nordlyset
Helse: Skral (les: høg snørrfaktor og energinivå på linje med eit dovendyr)

Ut frå dette kunne ein kanskje tru at humøret var på botn, og at eg ønska meg ned til meir sørlege breiddegrader, men det er på ingen måte tilfelle. Dialekta, maten (fisk til middag - say no more), den friske havlukta, fjella, det blå lyset. Eg elska Nord-Norge!