Den nordnorske fjellheimen

Etter ankomst Fauske med toget bar det rett til fjells saman med bestemor Marit og søskenbarn Anders. Dei første dagane vart brukt på hytta i Sulis. Etterpå gjekk turen vidare til Saltdal og hytta til tante og onkel ved Jarbruvann. 

Bileta kan i grunn få fortelje resten.

Ekte nordnorsk fjellsommar.

Anders ventar på steikevarme til fisken.

Stortreff ved Balvatn med Øystein, Heidi og Marte og vener av dei.

Særs fornøgd på tur åleine frå Tjorvi via Dorro til Risvatnet.

Idylliske Jarbruvann.

Ingrid.

Fokusert fiskeknutebindar.

Flogefiskaronkelen i disen.

Hytteeigarane.

Takk til naturen, hytter og folk for nydelege dagar til fjells.

Første etappe

Første etappe av årets ferietur gjekk nordover frå Oslo til Fauske med tog. Det vart ei overaskande positiv oppleving. Med lydbok på øret og hekletøy i hendene suste vi avgårde nordover. Det er noko utruleg avslappande og behageleg med det å vite at ein skal sitte i ro på same staden i timesvis. Ein kan like gjerne gli inn i eit roleg og halvfilosofisk modus medan landskapet fær forbi utanfor glaset når ein først må sitte der. Eg hadde på førehand trudd at ein sånn tur ville bli gørrkjedelig å gjennomføre på eigenhand og at det hadde vore mykje betre å ta den saman med nokon andre. No er eg ikkje heilt sikker lenger.

Nordlandsbanen, det blir nok ikkje siste gongen vi sjåast.

Nordlandsbanen frå Trondheim,

 med ein fantastisk solnedgang.

Sommaren 2012

Denne sommaren kunne hatt slagordet "Mildrid gjer nye ting på eigenhand". Det kan kanskje høyres litt trist ut, men i grunn så har det vore ein tilnærma perfekt sommar. Eg har vore på stadar eg likar å vere saman med personar eg likar å vere saman med.

Av nye erfaringar frå sommaren 2012:
- Eg har vore med i prosjektgruppa for Tt12 og vore heldig å få oppleve Tt på Gjøvik frå ei ny, spennande og veldig kjekk side
- Eg har vore på ferie nordover, for første gong på eigenhand
- Eg har reist med nordlandsbanen nordover for første gong på så lenge eg har huske
- Eg har roadtripa sørover saman med venner
- Eg har vore aleine på Stølstur med fine småfetterar
- Eg har blitt ram på å kjøre motorbåten over Vonavatnet (påhengsmotor) heilt åleine

Eg har altså vore på ferietur både nordover og sørover, heilt på sjølvstyr. Det har vore flott!

Forsommarliv

Mai og juni er som vanleg synonymt med eksamenslesing og lange dagar innandørs. Men litt anna har det blitt tid til innimellom. 

Grilling og slakk line i Frongerparken ein sein og varm maikveld.

Sykkeltur i Nordmarka. Svette og fornøgde.

Blomster plukka på veg heim fra jobb i kveld. 

Om et par veker er det eksamensfri og sommarferie. Det blir fint. Eg gler meg til ferie og deilig sommarliv i Oslo. 

Påskeperfeksjon

Når familien Svoen skal på påsketur er visst ingenting overlatt til tilfeldighetane. "Kas type appelsin skal vi kjøpe? Dei her er lausvektappelsiner og dei her er fra nett." Konklusjon: Lausvektappelsiner er best. 

Herleg 1. mai-tur

Tidleg på tirsdagsmorran drog eg og Helene frå Oslo i retning av Gaustatoppen. Etter i underkant av tre timars køyring var den plutseleg der, Gaustatoppen, klar til å bli beseira.

Og etter tre timar med svetting og melkesyre i låra var vi endeleg på toppen. (Lyst på eit tips? Ikkje dra på spinning dagen før du skal på topptur..)

Utsikta på toppen var heilt fantastisk.

Det samme var temperaturen.

Nåkken tok den litt lenger enn andre. Han kjørte like godt ned igjen i same på(/av)kledning, sjølvsagt med skredsøkar rundt livet. 

Vel nede og særs fornøgd med dagen. 

Solfylt søndag

Sola skinner og det er varmt og deilig i Oslo i dag. Eg hadde ei oppgåve eg måtte skrive ferdig, men tok like gjerne med meg macen og satte meg på Baker Hansen på Hasle Torg for å skrive. Det var veldig vellykka og eit fint kompromiss når ein først må skrive oppgåve på ein så fin søndag.

Etterpå gikk eg meg ein tur nedover Tøyenparken og til Botanisk hage. Sånn såg det ut i Tøyenparken. Diggbart.